ശബരിമലയിൽ പൊലീസിന്‍റെ പ്രവര്‍ത്തനങ്ങള്‍ തൃപ്തികരമെന്ന് മുഖ്യമന്ത്രി

ഉന്നത ഉദ്യോഗസ്ഥരുടെയും ഐ പി എസുകാരുടെയും യോഗത്തിൽ സംസാരിക്കുകയായിരുന്നു മുഖ്യമന്ത്രി. ശബരിമലയില്‍  സ്ത്രീകൾ കയറണ്ടായെന്നാണ് നാളെ കോടതിയുടെ തീരുമാനമെങ്കിൽ സർക്കാർ അത് പാലിക്കും.

തിരുവനന്തപുരം: ശബരിമലയിൽ സർക്കാർ നടപ്പാക്കുന്നത് സുപ്രീം കോടതി നിർദ്ദേശം മാത്രമെന്ന് മുഖ്യമന്ത്രി. നാളെ സ്ത്രീകൾ കയറണ്ടായെന്നാണ് കോടതിയുടെ തീരുമാനമെങ്കിൽ സർക്കാർ അത് പാലിക്കും. പൊലീസിന്റെ ശബരിമലയിലെ പ്രവർത്തനങ്ങൾ തൃപ്തികരമെന്നും മുഖ്യമന്ത്രി തിരുവനന്തപുരത്ത് പറഞ്ഞു. ഉന്നത ഉദ്യോഗസ്ഥരുടെയും ഐ പി എ സുകാരുടെയും യോഗത്തിൽ സംസാരിക്കുകയായിരുന്നു അദ്ദേഹം.

ഗുണ്ടാ നിയമപ്രകാരമുള്ള റിപ്പോർട്ടുകളിൽ കളക്ടർമാർ കാലതാമസം വരുത്തുന്നുവെന്നാണ് ഐപിഎസുകാരുടെ പരാതി. ഇതില്‍ തീരുമാനം വേഗമുണ്ടാകണമെന്നും മയക്കുമരുന്ന്-സൈബർ കേസുകൾ വേഗത്തിലും ജാഗ്രതയോടെയും കൈകാര്യം ചെയ്യണമെന്നും പിണറായി നിര്‍ദ്ദേശിച്ചു.