റഫാല്; റിലയന്സ് കമ്പനി ഉണ്ടാക്കിയത് കരാറിന് 10 ദിവസം മുന്പ്
Synopsis
റഫാല് ഇടപാടിന് 10 ദിവസം മുന്പാണ് റിലയൻസ് പ്രതിരോധ കമ്പനി രൂപീകരിച്ചത്
ദില്ലി:ഫ്രാൻസുമായുള്ള വിവാദ റഫാല് ഇടപാടിന്റെ രേഖകൾ പുറത്തുവിട്ട് കോൺഗ്രസ്. റഫാല് ഇടപാടിന് 10 ദിവസം മുന്പാണ് റിലയൻസ് പ്രതിരോധ കമ്പനി രൂപീകരിച്ചത്. ഇതിനായി പ്രതിരോധമന്ത്രാലയത്തിന്റെ അനുമതിയും ഓഡിറ്റും വേണമെന്നത് പാലിച്ചിട്ടില്ല. റഫാല് തകരാറിനൊപ്പം ഒരു ലക്ഷം കോടിയുടെ അധിക ഇടപാടിന് കൂടി റിലയൻസിന് കരാർ നൽകിയെന്നും ആരോപണം.
റഫാല് പോര് വിമാന ഇടപാടില് ഓരോ വിമാനത്തിലും 59 കോടി രൂപ ലാഭിച്ചതിന്റെ രേഖകള് മോദി സര്ക്കാര് പുറത്തുവിട്ടിരുന്നു. യുപിഎ സര്ക്കാരിന്റെ കാലത്ത് റഫാല് വിമാനങ്ങള്ക്കായി നടത്തിയ വിലപേശലിലേക്കാള് കുറഞ്ഞ തുകയ്ക്കാണ് വിമാനം സ്വന്തമാക്കിയതെന്നാണ് പ്രതിരോധ മന്ത്രാലയവും വ്യോമസേനയും വ്യക്തമാക്കിയത്.
വിമാനത്തില് ഇപയോഗിക്കുന്ന ആയുധങ്ങള്, പരിപാലനം, അറ്റകുറ്റപ്പണികള്, സ്റ്റിമുലേറ്ററുകള് എന്നിവയെല്ലാം കണക്കാക്കിയാല് ഒരു വിമാനത്തിന്റെ ചിലവ് 1646 കോടി രൂപയാണ്. അതേസമയം യുപിഎ സര്ക്കാരിന്റെ കാലത്ത് 1705 കോടി രൂപയാണ് ചിലവാക്കിയതെന്നായിരുന്നു കണക്കുകള് വ്യക്തമാക്കിയത്.
ഇന്ത്യയിലെയും ലോകമെമ്പാടുമുള്ള എല്ലാ India News അറിയാൻ എപ്പോഴും ഏഷ്യാനെറ്റ് ന്യൂസ് വാർത്തകൾ. Malayalam News തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam