നാലംഗ സംഘം ദമ്പതികളെ അരിവാളുകൊണ്ട് വെട്ടിക്കൊന്നു; മകള്ക്ക് ഗുരുതര പരുക്ക്
Synopsis
വാതിലില് മുട്ടുന്ന ശബ്ദം കേട്ട് എത്തിയ കല്യാണിയെ നാലംഗ സംഘം അരിവാളുകൊണ്ട് വെട്ടി. കല്യാണിയുടെ കരച്ചില് കേട്ട് രക്ഷിക്കാനെത്തിയ ഭര്ത്താവിനെയും മകള് രാമലക്ഷ്മിയെയും അക്രമികള് വെട്ടി വീഴ്ത്തി.
നാഗര്കോവില്: നാലംഗ സംഘം വീട്ടില് അതിക്രമിച്ച് കയറി ദമ്പതികളെ വെട്ടിക്കൊലപ്പെടുത്തി. തോവാളയ്ക്ക് സമീപം കൃഷ്ണന് പുതൂര് അമ്മന്കോവിലിന് സമീപം മണികണ്ടന്(42), ഭാര്യ കല്യാണി(40) എന്നിവരാണ് കൊല്ലപ്പെട്ടത്. കഴിഞ്ഞ ദിവസം പത്തരയോടെയാണ് ക്രൂര കൊലപാതകം നടന്നത്.
രാത്രി പത്തരയോടെ വീട്ടിലെത്തിയ അക്രമി സംഘം വീട്ടില് അതിക്രമിച്ച് കയറി. വാതിലില് മുട്ടുന്ന ശബ്ദം കേട്ട് എത്തിയ കല്യാണിയെ നാലംഗ സംഘം അരിവാളുകൊണ്ട് വെട്ടി. കല്യാണിയുടെ കരച്ചില് കേട്ട് രക്ഷിക്കാനെത്തിയ ഭര്ത്താവിനെയും മകള് രാമലക്ഷ്മിയെയും അക്രമികള് വെട്ടി വീഴ്ത്തി. തുടര്ന്ന് അക്രമികള് രക്ഷപ്പെട്ടു. കല്യാണി അപകട സ്ഥലത്ത് വച്ചുതന്നെ മരിച്ചു. മണികണ്ഠന് ആശുപത്രിയില് വച്ചാണ് മരിച്ചത്. ഗുരുരതര പരിക്കേറ്റ് മകള് ആശുപത്രിയില് ചികിത്സയിലാണ്. പൊലീസ് പ്രതികള്ക്കായി അന്വേഷണം ആരംഭിച്ചിട്ടുണ്ട്.
ഇന്ത്യയിലെയും ലോകമെമ്പാടുമുള്ള എല്ലാ India News അറിയാൻ എപ്പോഴും ഏഷ്യാനെറ്റ് ന്യൂസ് വാർത്തകൾ. Malayalam News തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam