പാലക്കാട് കോടതി വളപ്പില്‍ സിപിഎം ലോക്കല്‍ സെക്രട്ടറിക്ക് വെട്ടേറ്റു; പ്രതി ആയുധവുമായി പൊലീസ് സ്റ്റേഷനില്‍ കീഴടങ്ങി

കണ്ണമ്പ്രയിലെ സിപിഎം ലോക്കൽ സെക്രട്ടറി എംകെ സുരേന്ദ്രന് വെട്ടേറ്റു. ആലത്തൂർ കോടതി വളപ്പിൽ വെച്ച് ബൈക്ക് ഇടിപ്പിച്ചു വീഴ്ത്തിയ ശേഷം വാക്കത്തി കൊണ്ട് വെട്ടുകയായിരുന്നു.

പാലക്കാട്: കണ്ണമ്പ്രയിലെ സിപിഎം ലോക്കൽ സെക്രട്ടറി എംകെ സുരേന്ദ്രന് വെട്ടേറ്റു. ആലത്തൂർ കോടതി വളപ്പിൽ വെച്ച് ബൈക്ക് ഇടിപ്പിച്ചു വീഴ്ത്തിയ ശേഷം വാക്കത്തി കൊണ്ട് വെട്ടുകയായിരുന്നു.

വെട്ടിയ ആൾ ആയുധവുമായി ആലത്തൂർ പോലീസ് സ്റ്റേഷനിൽ കീഴടങ്ങി. ആർഎസ് എസ് പ്രവർത്തകനായ ശിവദാസനാണ് കീഴടങ്ങിയത്. സുരേന്ദ്രന്റെ അയൽവാസി കൂടിയാണ് ശിവദാസൻ. പരിക്കേറ്റ സുരേന്ദ്രനെ തൃശൂരിലെ സ്വകാര്യ ആശുപത്രിയിൽ പ്രവേശിപ്പിച്ചു.