വിവാദത്തോട് പ്രതികരിച്ചില്ല, വിധിനിര്‍ണ്ണയം കഴിഞ്ഞ് ദീപാ നിശാന്ത് മടങ്ങിയത് പൊലീസ് വാഹനത്തില്‍

സംസ്ഥാന സ്കൂൾ കലോത്സവത്തിലെ വിധിനിര്‍ണ്ണയത്തിന് ശേഷം ദീപാ നിശാന്ത് മടങ്ങി. പൊലീസ് വാഹനത്തിലാണ് ദീപാ നിശാന്ത് മടങ്ങിയത്. 

ആലപ്പുഴ: സംസ്ഥാന സ്കൂൾ കലോത്സവത്തിലെ വിധിനിര്‍ണ്ണയത്തിന് ശേഷം ദീപാ നിശാന്ത് മടങ്ങി.  പൊലീസ് വാഹനത്തിലാണ് ദീപാ നിശാന്ത് മടങ്ങിയത്. വിവാദത്തോടൊന്നും  ദീപാ നിശാന്ത് പ്രതികരിച്ചില്ല. 

മലയാളം ഉപന്യാസ മത്സരത്തിന് വിധികർത്താവായി ദീപ നിശാന്ത് എത്തിയതിന് എതിരെ പ്രതിപക്ഷ യുവജന, വിദ്യാർത്ഥി സംഘടനകൾ പ്രതിഷേധിച്ചിരുന്നു. ആദ്യം എബിവിപി പ്രവർത്തകരാണ് ദീപയ്ക്കെതിരെ പ്രതിഷേധവുമായി എത്തിയത്. തുടർന്ന് യൂത്ത് കോൺഗ്രസ്, കെഎസ്‍യു വനിതാ പ്രവർത്തകരും  പ്രതിഷേധവുമായി കലോത്സവ വേദിയിലേക്ക് എത്തി.

എന്നാൽ കവിതാ മോഷണ വിവാദം ഉണ്ടാകുന്നതിനും മുമ്പാണ് ദീപാ നിശാന്തിനെ മലയാളം ഉപന്യാസ മത്സരത്തിന്‍റെ വിധികർത്താവായി നിശ്ചയിച്ചതെന്നും വിവാദവുമായി ഇതിന് ബന്ധമില്ലെന്നും അധികൃതർ നിലപാടെടുത്തു. ദീപാ നിശാന്തിനെ ഒഴിവാക്കില്ലെന്നും സംഘാടകർ അറിയിച്ചിരുന്നു.