മുഖ്യമന്ത്രിയുടെ സാമ്പത്തിക ഉപദേഷ്ടാവ് ഗീതാ ഗോപിനാഥ് തലസ്ഥാനത്ത്
Synopsis
മുഖ്യമന്ത്രി അടക്കം മന്ത്രിമാരുമായും സംസ്ഥാനത്തെ ഉന്നത ഉദ്യോഗസ്ഥരുമായും ആദ്യഘട്ട കൂടിക്കാഴ്ച. സംസ്ഥാന സമ്പദ് വ്യവസ്ഥ നേരിടുന്ന കടുത്ത പ്രതിസന്ധിയില് പ്രാഥമിക വിലയിരുത്തല്.. ഉപദേശമല്ല , മറിച്ച് ചില അഭിപ്രായങ്ങള് പങ്കുവയ്ക്കല് മാത്രമാണ് ഉദ്ദേശ്യമെന്നും തീരുമാനം സര്ക്കാറിന്േറതാണെന്നുമാണ് ഗീതാഗോപിനാഥിന്റെ നിലപാട്
ധനമന്ത്രി ടിഎം തോമസ് ഐസക് , ചീഫ് സെക്രട്ടറി , പ്ലാനിംഗ് ബോര്ഡ് വൈസ് ചെയര്മാന്, കെഎസ്ഐഡിസി അധികൃതര് എന്നിവരുമായും ചര്ച്ച നടത്തി. സാമ്പത്തിക ഉപദേഷ്ടാവായി നിയമിക്കപ്പെട്ട ശേഷം ആദ്യമായാണ് ഗീതാ ഗോപിനാഥ് തലസ്ഥാനത്തെത്തുന്നത് . ഹാര്വഡ് സര്വകലാശാലയിലെ സാമ്പത്തികശാസ്ത്ര വിഭാഗം മേധാവിയാണ്.പ്രിന്സിപ്പല് സെക്രട്ടറി പദവിയില് പ്രതിഫലമില്ലാതെയാണ് നിയമനം . ഇടത് വിരുദ്ധ സാമ്പത്തിക നയങ്ങളുടെ വക്താവായ ഗീതയെ ഉപദേഷ്ടാവാക്കിയതില് പാര്ട്ടിക്കകത്തും മുന്നണിക്കകത്തും കടുത്ത എതിര്പ്പ് ഉയര്ന്നിരുന്നു. വിദഗ്ധ അഭിപ്രായം കേള്ക്കുകമാത്രമാണ് ഉദ്ദേശ്യമെന്നായിരന്നു മുഖ്യമന്ത്രിയുടെ പ്രതികരണം
ഇന്ത്യയിലെയും ലോകമെമ്പാടുമുള്ള എല്ലാ Malayalam News അറിയാൻ എപ്പോഴും ഏഷ്യാനെറ്റ് ന്യൂസ് മലയാളം വാർത്തകൾ. Malayalam News Live എന്നിവയുടെ തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam