നാല്​ വയസുകാരിയെ അയൽവാസി പീഡിപ്പിച്ച ശേഷം തലക്കടിച്ച്​ കൊലപ്പെടുത്തി

മധ്യപ്രദേശ് : നാല്​ വയസുകാരിയെ അയൽവാസി ലൈംഗികമായി പീഡിപ്പിച്ച ശേഷം തല തല്ലിതകർത്ത്​ കൊലപ്പെടുത്തി. മധ്യ​പ്രദേശ്​ തലസ്​ഥാനമായ ഭോപ്പാലിൽ നിന്ന്​ 325 കിലോ മീറ്റർ അകലെ മൻവാറിലാണ്​ സംഭവം. കുട്ടിയുടെ തല കല്ലുകൊണ്ട്​ തിരിച്ചറിയാനാവാത്ത വിധം തകർത്ത ശേഷം മൃതദേഹം കാട്ടിൽ തള്ളുകയായിരുന്നു. 

25കാരനായ അയൽവാസി കരണിനെതിരെ പൊലീസ്​ കേസെടുത്തിട്ടുണ്ട്​. ദളിത് വിഭാഗത്തിൽപെട്ട പെൺകുട്ടിയാണ്​ ദാരുണമായി കൊല​ചെയ്യപ്പെട്ടത്​. പെൺകുട്ടിയെ വശീകരിച്ച്​ വിജനമായ സ്​ഥല​ത്ത്​ കൊണ്ടുപോയ അയൽവാസി ലൈംഗിക പീഢനത്തിന്​ ഇരയാക്കിയ ശേഷം കൊലപ്പെടുത്തുകയായിരുന്നു.

പെൺകുട്ടിയുടെ വീട്ടിൽ നിന്ന്​ 500 മീറ്റർ അകലെയാണ്​ മൃതദേഹം കണ്ടെത്തിയത്​. പൊലീസ്​ വലയിലായ കരൺ കുറ്റം സമ്മതിച്ചിട്ടുണ്ട്​.