പാലാ സബ് ജയിലിലെ മൂന്നാം നമ്പർ സെല്ലിൽ ഫ്രാങ്കോ മുളയ്ക്കല്‍

സി ക്ലാസ്സ് ജയിലായതിനാൽ ഇവിടെ കട്ടിൽ ഇല്ല. അതിനാൽ മുൻബിഷപ്പിന് മറ്റു തടവുകാരെ പോലെ നിലത്തു കിടന്ന് ഉറങ്ങേണ്ടി വരും. 

കോട്ടയം: കന്യാസ്ത്രീയെ പീഡിപ്പിച്ച കേസിൽ കോടതി റിമാൻഡ് ചെയ്ത ജലന്ധർ മുൻബിഷപ്പ് ഫ്രാങ്കോ മുളയ്ക്കലിനെ പാലാ സബ് ജയിലിലെത്തിച്ചു.

സബ് ജയിലിൽ വിചാരണ തടവുകാർക്ക് വേണ്ടിയുള്ള മൂന്നാം നമ്പർ സെല്ലിലാണ് ഫ്രാങ്കോയെ പാർപ്പിച്ചിട്ടുള്ളത്. ഇദ്ദേഹത്തെ രണ്ട് പെറ്റിക്കേസ് പ്രതികൾ കൂടി ഈ സെല്ലിലുണ്ട്. 

സി ക്ലാസ്സ് ജയിലായതിനാൽ ഇവിടെ കട്ടിൽ ഇല്ല. അതിനാൽ മുൻബിഷപ്പിന് മറ്റു തടവുകാരെ പോലെ തന്നെ നിലത്തു കിടന്ന് ഉറങ്ങേണ്ടി വരും. വിചാരണ തടവുകാരനായതിനാൽ മറ്റു തടവുകാരെ പോലെ ജയിനുള്ളിൽ ജോലികൾ ചെയ്യേണ്ടതില്ല.