ഏതാനും ദിവസങ്ങൾക്ക് മുൻപ് ഗയയിൽ നിന്നു തന്നെ മറ്റൊരു പതിനാറുകാരിയുടെ മൃതദേഹം കണ്ടെത്തിരുന്നു. മുഖം അസിഡ് ഒഴിച്ച് വികൃതമാക്കിയ ശേഷം തലവെട്ടിയേടുത്ത നിലയിലായിരുന്നു മൃതദേഹം.
ബീഹാർ: പതിനാറുകാരിയെ കൂട്ടബലാത്സംഗം ചെയ്ത് കൊലപ്പെടുത്തിയ നിലയിൽ കണ്ടെത്തി. ബീഹാറിലെ ഗയയിൽ നിന്നാണ് പെൺകുട്ടിയുടെ മൃതദേഹം കണ്ടെത്തിയത്. കുട്ടിയുടെ വീടിന് സമീപത്തുനിന്നുമാണ് മൃതദേഹം കണ്ടെത്തിയതെന്ന് പൊലീസ് പറഞ്ഞു. ശനിയാഴ്ചയായിരുന്നു സംഭവം.
സംഭവവുമായി ബന്ധപ്പെട്ട് തെളിവുകൾ ശേഖരിച്ചുവെന്നും കുറ്റവാളികളെ എത്രയും വേഗം കണ്ടുപിടിക്കുമെന്നും മഗധ റെയിഞ്ച് ഡെപ്യൂട്ടി ഇൻസ്പെക്ടർ വിനയ് കുമാർ അറിയിച്ചു. ഇത്തരത്തിൽ ഏതാനും ദിവസങ്ങൾക്ക് മുൻപ് ഗയയിൽ നിന്നു തന്നെ മറ്റൊരു പതിനാറുകാരിയുടെ മൃതദേഹം കണ്ടെത്തിയിരുന്നു. മുഖം അസിഡ് ഒഴിച്ച് വികൃതമാക്കിയ ശേഷം തലവെട്ടിയെടുത്ത നിലയിലായിരുന്നു മൃതദേഹം. പെൺകുട്ടിക്ക് ആഴത്തിൽ മുറിവേറ്റിട്ടുണ്ടായിരുന്നുവെന്നും പൊലീസ് പറഞ്ഞിരുന്നു.
ഈ സംഭവം കഴിഞ്ഞ് ദിവസങ്ങൾ കഴിയുമ്പോഴാണ് സമപ്രായക്കാരിയായ മറ്റൊരു പെൺകുട്ടിയും കൊല്ലപ്പെടുന്നത്. ഇരു സംഭവങ്ങൾക്കും പിന്നാലെ നാട്ടുകാർ പ്രദേശത്ത് പ്രതിഷേധ പ്രകടനങ്ങൾ അഴിച്ചുവിടുകയും പൊലീസ് സ്റ്റേഷനിലേക്ക് മാര്ച്ച് സംഘടിപ്പിക്കുകയും ചെയ്തിരുന്നു.