തുടർന്ന് മോഷണശ്രമം തടയാൻ ശ്രമിച്ച സ്ത്രീയെ മോഷ്ടാക്കൾ കഴുത്തറുത്ത് കൊല്ലുകയായിരുന്നു. ശേഷം കാലിൽ കിടന്ന് വെള്ളി പാദസരം മോഷ്ടിക്കുന്നതിനായി സ്ത്രീയുടെ കാലുകൾ മോഷ്ടാക്കൾ വെട്ടി മാറ്റുകയും ചെയ്തു.
ഛോട്ടാ ഉദയ്പൂർ: മോഷണ ശ്രമത്തിനിടെ 80 വയസ്സുകാരിയെ മോഷ്ടാക്കൾ കഴുത്തറുത്ത് കൊന്നു. ശേഷം കാലിൽ കിടന്ന വെള്ളി പാദസരം മോഷ്ടിക്കുന്നതിനായി സ്ത്രീയുടെ കാലുകൾ വെട്ടി മാറ്റുകയും ചെയ്തു. ഗുജറാത്തിലെ ഛോട്ടാ ഉദയ്പൂരിലെ കണലാവായിലാണ് സംഭവം.
സംഭവം നടക്കുന്ന സമയത്ത് സ്ത്രീ വീട്ടിൽ ഒറ്റയ്ക്കായിരുന്നു. ഈ തക്കം നോക്കിയാണ് മോഷ്ടാക്കൾ വീട്ടിനുള്ളിൽ കടന്നത്. പിന്നീട് വീട് കൊള്ളയടിക്കാൻ ശ്രമിക്കുന്നതിനിടെയാണ് മോഷ്ടാക്കളെ സ്ത്രീ കാണുന്നത്. തുടർന്ന് മോഷണശ്രമം തടയാൻ ശ്രമിച്ച സ്ത്രീയെ മോഷ്ടാക്കൾ കഴുത്തറുത്ത് കൊല്ലുകയായിരുന്നു. ശേഷം കാലിൽ കിടന്ന വെള്ളി പാദസരം മോഷ്ടിക്കുന്നതിനായി സ്ത്രീയുടെ കാലുകൾ മോഷ്ടാക്കൾ വെട്ടി മാറ്റുകയായിരുന്നു.
സംഭവത്തിൽ പൊലീസ് കേസെടുത്ത് അന്വേഷണം ആരംഭിച്ചു. അന്വേഷണത്തിനായി ഫോറന്‍സിക്ക് വിഭാഗത്തിന്‍റെയും, പൊലീസ് നായയുടെയും സഹായം തേടുമെന്നും പൻവാട് പൊലീസ് വ്യക്തമാക്കി.