തിരുവനന്തപുരത്ത് സർക്കാർ ഓഫിസുകൾ ഞായറാഴ്ചയും പ്രവർത്തിക്കും

ഓഫിസുകളിലെ ജീവനക്കാർ, ഡ്രൈവർമാർ എന്നിവരുടെ ഹാജർ ഓഫിസ് മേധാവികൾ ഉറപ്പു വരുത്തണം. സർക്കാർ വാഹനങ്ങളും ജീവനക്കാരും ദുരന്ത ലഘൂകരണ പ്രവർത്തനങ്ങൾക്കായി സജ്ജരായിരിക്കണം.

തിരുവനന്തപുരം: തിരുവനന്തപുരത്ത് സർക്കാർ ഓഫിസുകൾ ഞായറാഴ്ചയും പ്രവർത്തിക്കും. പ്രളയബാധിത ജില്ലകളിലെ ജില്ലയിലെ ദുരിതാശ്വാസ ദുരന്ത ലഘൂകരണ പ്രവർത്തനങ്ങൾ ഏകോപിപ്പിക്കുന്നതിനായി തിരുവനന്തപുരം ജില്ലയിലെ സർക്കാർ ഓഫിസുകൾ ഞായറാഴ്ചയും (ഓഗസ്റ്റ് 19) പ്രവർത്തിക്കാൻ ജില്ലാ കളക്ടർ ഉത്തരവിട്ടു. ഓഫിസുകളിലെ ജീവനക്കാർ, ഡ്രൈവർമാർ എന്നിവരുടെ ഹാജർ ഓഫിസ് മേധാവികൾ ഉറപ്പു വരുത്തണം. 

സർക്കാർ വാഹനങ്ങളും ജീവനക്കാരും ദുരന്ത ലഘൂകരണ പ്രവർത്തനങ്ങൾക്കായി സജ്ജരായിരിക്കണം. എല്ലാ വകുപ്പുകളുടേയും കൈവശമുള്ള വാഹനങ്ങളുടെ വിശദ വിവരവും ഡ്രൈവർമാരുടെ മൊബൈൽ ഫോൺ നമ്പരും നാളെ വൈകിട്ട് അഞ്ചിനകം കളക്ടറേറ്റിൽ നൽകണമെന്നും കളക്ടര്‍ നിര്‍ദ്ദേശിച്ചു.