ജമ്മുകശ്മീരിൽ ഗവർണർ ഭരണം, ശുപാർശ രാഷ്ട്രപതി അംഗീകരിച്ചു

ജമ്മുകശ്മീരിൽ ഗവർണർ ഭരണം, ശുപാർശ രാഷ്ട്രപതി അംഗീകരിച്ചു മുഖ്യമന്ത്രി മെഹബൂബ മുഫ്തി കഴിഞ്ഞ ദിവസം രാജിവച്ചിരുന്നു

ജമ്മു കശ്മീര്‍: ജമ്മുകശ്മീരിൽ ഗവർണർ ഭരണം ഏർപ്പെടുത്തി. ഗവ‍ർണറുടെ ശുപാർശ രാഷ്ട്രപതി അംഗീകരിച്ചു. പിഡിപിയുമായുള്ള ബന്ധത്തിൽ നിന്ന് ബിജെപി പിൻമാറിയതോടെ മുഖ്യമന്ത്രി മെഹബൂബ മുഫ്തി കഴിഞ്ഞ ദിവസം രാജിവച്ചിരുന്നു. കഴിഞ്ഞ നാലു ദശാബ്ദക്കാലത്തിനിടെ ഏഴു തവണ സംസ്ഥാനത്ത് ഗവർണർ ഭരണം ഏർപ്പെടുത്തിയിട്ടുണ്ട്. നിലവിൽ ​ഗവർണറായ എൻ.എൻ.വോറയുടെ കാലാവധി തീരാൻ ആഴ്ചകൾ ബാക്കിനിൽക്കേയാണ് കശ്മീരിൽ ​ഗവർണർ ഭരണം വരുന്നത്. ഇൗ സാഹചര്യത്തിൽ അദ്ദേഹത്തിന് ആറ് മാസത്തേക്ക് കൂടി അധികാരം നീട്ടിക്കൊടുക്കാൻ സാധ്യതയുണ്ട്.