പ്രളയത്തിനിടെ വിദേശ യാത്ര; എല്ലാം പാര്‍ട്ടിസെക്രട്ടറിയോടും മുഖ്യമന്ത്രിയോടും പറഞ്ഞിട്ടുണ്ടെന്ന് മന്ത്രി

പ്രളയക്കെടുതിയില്‍ വിദേശ യാത്ര നടത്തിയ മന്ത്രി കെ.രാജു കൂടുതല്‍ വിശദീകരണവുമായി രംഗത്ത്. തനിക്ക് പറയാനുള്ളതെല്ലാം പാര്‍ട്ടി സെക്രട്ടറിയോടും മുഖ്യമന്ത്രിയോടും പറഞ്ഞിട്ടുണ്ടെന്നാണ് മന്ത്രി പറഞ്ഞത്.

തിരുവനന്തപുരം:തനിക്ക് വിശദീകരിക്കാനുള്ളതെല്ലാം പാര്‍ട്ടി സെക്രട്ടറിയോടും മുഖ്യമന്ത്രിയോടും പറഞ്ഞിട്ടുണ്ടെന്ന് മന്ത്രി കെ.രാജു. പ്രളയത്തിനിടെ വിദേശയാത്ര നടത്തിയ മന്ത്രി കെ.രാജുവിനെതിരെ ഇന്നലെ ഗുരുതര ആരോപണം ഉയര്‍ന്നിരുന്നു. ദുരിതാശ്വാസ ചുമതല മന്ത്രി പി.തിലോത്തമന് മുഖ്യമന്ത്രി അറിയാതെയാണ് കെ.രാജു കൈമാറിയത്. ഒരു മന്ത്രിയുടെ ചുമതല കൈമാറുമ്പോള്‍ പൊതുഭരണ വകുപ്പ് ഉത്തരവ് ഇറക്കണമെന്ന നിബന്ധനയും മന്ത്രി പാലിച്ചിരുന്നില്ല. സ്വന്തം ലെറ്റര്‍  പാഡിലാണ് മന്ത്രി പി.തിലോത്തമന് ചുമതല കൈമാറിയത്.

ജര്‍മ്മിനിയില്‍ നിന്ന് തിരിച്ചെത്തിയ മന്ത്രി പറഞ്ഞത് താന്‍ പോകുമ്പോള്‍ വലിയ രീതിയില്‍ പ്രകൃതിക്ഷോഭം ഇല്ലെന്നായിരുന്നു. എന്നാല്‍  കോട്ടയത്ത് നടന്ന സ്വാതന്ത്ര പരേഡില്‍ സംസാരിക്കവേ മന്ത്രി തന്നെ മഴയുടെ കാഠിന്യത്തെക്കുറിച്ച് പറയുന്നുണ്ട്.