പ്രളയക്കെടുതി: വീട്ടുപകരണങ്ങൾ വാങ്ങാൻ കുടുംബശ്രീ വഴി പലിശരഹിത വായ്പ നൽകും

പ്രളയക്കെടുതിയിൽ സർവ്വതും നഷ്‍ടമായവർക്ക് വീട്ടുപകരണങ്ങൾ വാങ്ങാൻ സർക്കാർ കുടുംബശ്രീ വഴി പലിശരഹിത വായ്പ  നൽകും. വിലക്കുറവിൽ സാധനങ്ങൾ വാങ്ങാനും സർക്കാർ സഹായിക്കും.  

പരമാവധി ഒരു ലക്ഷം രൂപ വരെയാണ് വായ്പ. കുടുംബശ്രീ യുണിറ്റുകൾ തിട്ടപ്പെടുന്ന നഷ്‍ടത്തിന്‍റെ കണക്ക്  അനുസരിച്ചായിരിക്കും വായ്പ അനുവദിക്കുക.  നാല് വർഷമാണ് വായ്പയുടെ തിരിച്ചടവ്.  പ്രളയബാധിത മേഖലകളിലെ കുടുംബശ്രീ കൂട്ടായ്മകൾ അർഹരെ കണ്ടെത്താൻ ശനി ഞായർ ദിവസങ്ങളിൽ  യോഗം  ചേരും.

ഉൽപന്നങ്ങൾക്ക് 50ശതമാനമെങ്കിലും ഡിസ്കൗണ്ട് നൽകുന്ന കന്പനികളിൽ നിന്ന് നേരിട്ട് വീട്ടുപകരണങ്ങൾ വാങ്ങാനാണ് തീരുമാനം. ഇതിനായി ഈ മാസം അവസാനം  ജില്ലാ തലത്തിൽ സർക്കാർ നേരിട്ട്  മേളകൾ നടത്തും.