91കാരിയെ ബലാത്സംഗം ചെയ്യാന് ശ്രമിച്ച മധ്യവയസ്കന് അറസ്റ്റില്
Synopsis
കഴിഞ്ഞ മാസം 16ന് തിരുവല്ലക്ക് സമീപം പുളിക്കീഴിലാണ് കേസിന് ആസ്പദമായ സംഭവം
തിരുവല്ല: തിരുവല്ലയില് 91കാരിയെ ബലാത്സംഗം ചെയ്യാന് ശ്രമിച്ച മധ്യവയസ്കന് അറസ്റ്റില്. ചാത്തങ്കേരി സ്വദേശി ബിജു(40)വാണ് പുളിക്കീഴ് പൊലീസിന്റെ പിടിയിലായത്. ഒളിവില് കഴിയുകയായിരുന്ന ആലപ്പുഴ പുളിങ്കുന്നിലെ ബന്ധുവീട്ടില്നിന്നാണ് ബിജുവിനെ അറസ്റ്റ് ചെയ്തത്.
കഴിഞ്ഞ മാസം 16ന് തിരുവല്ലക്ക് സമീപം പുളിക്കീഴിലാണ് കേസിന് ആസ്പദമായ സംഭവം. പുലര്ച്ചെ 3 മണിയോടെയാണ് ബിജു 91കാരിയുടെ വീട്ടില് കയറിയത്. അടുക്കള വാതില് തകര്ത്ത് അകത്തുകടന്ന പ്രതി ഉറങ്ങിക്കിടന്ന വൃദ്ധയെ കയറിപ്പിടിക്കുകയും ബലാത്സംഗം ചെയ്യാന് ശ്രമിക്കുകയും ചെയ്തു. സ്ത്രീ ഒച്ചയിട്ടതോടെ തൊട്ടടുത്ത മുറിയില് കിടന്ന മകളും മരുമകനും ഉണര്ന്നു.
ഇതോടെ ഇയാള് ഓടിരക്ഷപ്പെട്ടു.
ബിജുവിനെ നേരത്തെ പരിചയമുണ്ടായിരുന്ന സ്ത്രീ പുളിക്കീഴ് പൊലീസില് നല്കി. ഫോണ് ലൊക്കേഷന് കണ്ടെത്തിയാണ്, പുളിക്കീഴ് എസ്.ഐ. മോഹന് ബാബുവും ജില്ലാ പൊലീസ് മേധാവിയുടെ ഷാഡോ പൊലീസ് സംഘവും ചേര്ന്ന് പ്രതിയെ പിടികൂടിയത്. കോടതിയില് ഹാജരാക്കിയ പ്രതിയെ റിമാന്റ് ചെയ്തു.
ഇന്ത്യയിലെയും ലോകമെമ്പാടുമുള്ള എല്ലാ Malayalam News അറിയാൻ എപ്പോഴും ഏഷ്യാനെറ്റ് ന്യൂസ് മലയാളം വാർത്തകൾ. Malayalam News Live എന്നിവയുടെ തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam