മിനിമം ബാലന്സ്; അക്കൗണ്ട് ഉടമകളില് നിന്ന് പിഴ ഈടാക്കുന്നതിനെതിരെ മുല്ലപ്പളളി രാമചന്ദ്രൻ
Synopsis
ദില്ലി: മിനിമം ബാലൻസ് സൂക്ഷിക്കാത്തതിന്റെ പേരിൽ അക്കൗണ്ട് ഉടമകളിൽ നിന്ന് പിഴ ഈടാക്കിയ എസ്ബിഐക്കെതിരെ നടപടി എടുക്കണമെന്ന് മുല്ലപ്പള്ളി രാമചന്ദ്രൻ ലോക്സഭയിൽ ആവശ്യപ്പെട്ടു. വിദ്യാർത്ഥികളുടെ അക്കൗണ്ടിൽ നിന്നുപോലും എസ്ബിഐ പിഴ ഈടാക്കിയത് അനീതിയെന്നും മുല്ലപ്പള്ളി രാമചന്ദ്രൻ പറഞ്ഞു.
സംസ്ഥാനത്തെ പാവപ്പെട്ട വിദ്യാര്ത്ഥികളുടെ സ്കോളര്ഷിപ്പിലും കൈയ്യിട്ടുവാരിയിരുന്നു എസ്ബിഐയുടെ മിനിമം ബാലന്സ് നയം. മൈനോറിറ്റി സ്കോളര്ഷിപ്പിടക്കമുള്ള പിന്നോക്ക വിഭാഗങ്ങളിലെ കുട്ടികള്ക്കായുള്ള സ്കോളര്ഷിപ്പ് തുകയില് നിന്നാണ് വന്തുക എസ്ബിഐ സീറോ ബാലന്സ് പിഴയായി പിടിച്ചെടുത്ത വാര്ത്ത ഇന്നലെ വെളിയില് വന്നിരുന്നു. ആലപ്പുഴയില് ആയിരം രൂപ സ്കോളര്ഷിപ്പ് കിട്ടിയ നിര്ദ്ധന വിദ്യാര്ത്ഥിനിക്ക് മിനിമം ബാലന്സ് നയത്തെ തുടര്ന്ന് നഷ്ടപ്പെട്ടത് 458 രൂപയായിരുന്നു.
ഇന്ത്യയിലെയും ലോകമെമ്പാടുമുള്ള എല്ലാ Malayalam News അറിയാൻ എപ്പോഴും ഏഷ്യാനെറ്റ് ന്യൂസ് മലയാളം വാർത്തകൾ. Malayalam News Live എന്നിവയുടെ തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam