എൻഡോസൾഫാൻ; എൽഡിഎഫിന് പ്രതിപക്ഷത്തിരിക്കുമ്പോഴുള്ള നിലപാടല്ല ഭരിക്കുമ്പോൾ: മുല്ലപ്പള്ളി

മുമ്പ് ഇരകളെ സെക്രട്ടേറിയറ്റിന് മുമ്പില്‍ കൊണ്ടിരുത്തി സമരം ചെയ്തവരാണ് ഇപ്പോൾ സമരത്തെ പരിഹസിക്കുന്നതെന്ന് മുല്ലപ്പള്ളി.

മലപ്പുറം: എൻഡോസൾഫാൻ ദുരിതബാധിതരുടെ കാര്യത്തിൽ ഇടതുപക്ഷത്തിന് ഭരണത്തിൽ ഇരിക്കുമ്പോൾ ഒരു നിലപാടും പ്രതിപക്ഷത്ത് ഇരിക്കുമ്പോൾ മറ്റൊരു നിലപാടുമാണെന്ന് കെ പി സി സി അധ്യക്ഷന്‍ മുല്ലപ്പള്ളി രാമചന്ദ്രൻ.

മുമ്പ് ഇരകളെ സെക്രട്ടേറിയറ്റിന് മുമ്പില്‍ കൊണ്ടിരുത്തി സമരം ചെയ്തവരാണ് ഇപ്പോൾ സമരത്തെ പരിഹസിക്കുന്നതെന്നും മുല്ലപ്പള്ളി പറഞ്ഞു. എൻഡോസൾഫാൻ ദുരിതബാധിതരുടെ പ്രശ്നങ്ങൾക്ക് മുഖ്യമന്ത്രി ഉടൻ പരിഹാരം കാണണമെന്നും മുല്ലപ്പള്ളി ആവശ്യപ്പെട്ടു.