വര്‍ദ്ധ; പേര് നല്‍കിയത് പാക്കിസ്ഥാന്‍

ബംഗാൾ ഉൾക്കടലിന്‍റെയും അറേബ്യൻ കടലി​ന്‍റെയും പരിധിയിലുള്ള രാജ്യങ്ങളടങ്ങിയ അന്താരാഷ്​ട്ര പാനലാണ് ഉഷ്​ണമേഖലയിലെ ചുഴലിക്കാറ്റുകൾക്ക്​ പേര് നൽകുന്നത്. ഇന്ത്യയും പാകിസ്​താനുമുൾ​പ്പെടെ 64 രാജ്യങ്ങളാണ്​ ഈ ലിസ്​റ്റലുള്ളത്​. 2004ലാണ് കൊടുങ്കാറ്റുകള്‍ക്ക്  പേര്​ നൽകാൻ ഈ പാനലിന് രൂപം നല്‍കുന്നത്.

ജനങ്ങൾക്ക്​ എളുപ്പത്തിൽ മനസിലാകുന്നതിനും വേഗം ഓർമയിൽ വരുന്നതിനും അതുവഴി മുൻകരുതലുകളെടുക്കുന്നതിനും വേണ്ടിയാണ്​ ചുഴലിക്കൊടുങ്കാറ്റുകള്‍ക്ക് വ്യത്യസ്​ത പ്രദേശങ്ങളിലെ പേരുകൾ നൽകുന്നത്​.

പേരുകൾ പൗരൻമാർക്കും കാലാവസ്​ഥാ വകുപ്പ്​ ഡയറക്​ടർ ജനറലിന്​ സമർപ്പിക്കാം. പക്ഷേ തെര​ഞ്ഞെടുപ്പ്​​ പ്രകിയ​ വ്യക്​തമായ നിയമങ്ങളെ അടിസ്ഥാനപ്പെടുത്തിയാവും നടക്കുക. പേരുകൾ ലളിതവും വായിച്ചാൽ മനസിലാകണമെന്നതുപോലെ സാംസ്​കാരികമായി ഏതെങ്കിലും വിഭാഗവുമായി പക്ഷപാതിത്വ സ്വഭാവമുള്ളതോ പ്രകോപനപരമോ ആകരുതെന്നും വ്യവസ്​ഥയുണ്ട്​.

റോണു, ക്യാന്ദ്​, നാഡ തുടങ്ങിയവയ്ക്ക് പുറമേയാണ് ഇപ്പോള്‍ വര്‍ദ്ധയുടെ വരവ്. ഇന്ത്യൻ മെട്രോളജിക്കൽ വിഭാഗത്തി​ന്‍റെ അഭിപ്രായ പ്രകാരം ഈ വർഷം  ബംഗാൾ ഉൾക്കടലിൽ നിന്ന്​ രൂപംകൊണ്ട ഇന്ത്യയിലെ നാലാമ​ത്തെ പ്രധാന ചുഴലി​​ക്കൊടുങ്കാറ്റാണ്​ വർദ്ധ.