ഇനി പാന്കാര്ഡ് എല്ലാവര്ക്കും ബാധകം: മെയ് 31നകം അപേക്ഷിക്കണം
Synopsis
സാമ്പത്തിക വര്ഷം 2.5 ലക്ഷം രൂപയുടെ ഇടപാടുനടത്തുന്നവരെല്ലാം 2019 മെയ് 31നകം പാന്കാര്ഡിന് അപേക്ഷിച്ചിരിക്കണം. പാന് കാര്ഡിന് അപേക്ഷിക്കുമ്പോള് അച്ഛന്റെ പേര് നല്കണമെന്ന വ്യവസ്ഥ ഐടി വകുപ്പ് ഒഴിവാക്കി.
ദില്ലി: നികുതിവെട്ടിപ്പ് തടയാന് പാന്കാര്ഡ് നിര്ബന്ധമാക്കി ആദായ നികുതി വകുപ്പ്. പ്രതിവര്ഷം രണ്ടര ലക്ഷത്തില്ക്കൂടുതല് സാമ്പത്തിക ഇടപാടുകള് നടത്തുന്ന എല്ലാവര്ക്കും പാന് കാര്ഡ് നിര്ബന്ധമാക്കുമെന്ന് ആദായനികുതി വകുപ്പ് അറിയിച്ചു. ഡിസംബര് അഞ്ചുമുതല് ഇത് ബാധകമാണെന്ന് ആദായ നികുതി വകുപ്പ് പുറത്തിറക്കിയ സര്ക്കുലറില് പറയുന്നു. നികുതി ഒഴിവാക്കുന്നത് തടയുകയാണ് ലക്ഷ്യമെന്നും സര്ക്കുലര് വ്യക്തമാക്കുന്നു.
സാമ്പത്തിക വര്ഷം 2.5 ലക്ഷം രൂപയുടെ ഇടപാടുനടത്തുന്നവരെല്ലാം 2019 മെയ് 31നകം പാന്കാര്ഡിന് അപേക്ഷിച്ചിരിക്കണം. പാന് കാര്ഡിന് അപേക്ഷിക്കുമ്പോള് അച്ഛന്റെ പേര് നല്കണമെന്ന വ്യവസ്ഥ ഐടി വകുപ്പ് ഒഴിവാക്കി. അച്ഛന് മരണപ്പെടുകയോ, വിവാഹമോചനം നേടിയ ആളോ ആണെങ്കില് അപേക്ഷാഫോമില് പേര് നല്കേണ്ടതില്ലെന്നും സര്ക്കുലറില് വ്യക്തമാക്കുന്നു.
ഇന്ത്യയിലെയും ലോകമെമ്പാടുമുള്ള എല്ലാ India News അറിയാൻ എപ്പോഴും ഏഷ്യാനെറ്റ് ന്യൂസ് വാർത്തകൾ. Malayalam News തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam