കാസര്‍കോട് കൊലപാതകം; സിപിഎം ഗൂഢാലോചനയെന്ന് ഉമ്മൻചാണ്ടി

ഭരണത്തിന്‍റെ സ്വാധീനം ഉപയോഗിച്ച് കാസര്‍കോട് കൊലപാതക കേസിലെ പ്രതികളെ രക്ഷിക്കാൻ സിപിഎം ശ്രമിച്ചാലും യഥാര്‍ത്ഥ പ്രതികളെ നിയമത്തിന് മുന്നിൽ കൊണ്ടുവരാൻ ഏതറ്റം വരെയും പോകുമെന്ന് ഉമ്മൻചാണ്ടി 

ദില്ലി: കാസര്‍കോട് യൂത്ത് കോൺഗ്രസ് പ്രവര്‍ത്തകരുടെ കൊലപാതകം സിപിഎമ്മിന്‍റെ  ഗൂഢാലോചനയാണെന്ന് മുൻ മുഖ്യമന്ത്രി ഉമ്മൻചാണ്ടി. അക്രമ രാഷ്ടട്രീയത്തെ കോൺഗ്രസ് ശക്തമായി അപലപിക്കുന്നു എന്നും ഉമ്മൻചാണ്ടി പറഞ്ഞു.

ഭരണത്തിന്‍റെ  സ്വാധീനം ഉപയോഗിച്ച് പ്രതികളെ രക്ഷിക്കാൻ സിപിഎം ശ്രമിച്ചാലും യഥാര്‍ത്ഥ പ്രതികളെ നിയമത്തിന് മുന്നിൽ കൊണ്ടുവരാൻ ഏതറ്റം വരെയും പോകുമെന്ന് ഉമ്മൻചാണ്ടി പററഞ്ഞു. യൂത്ത് കോൺഗ്രസ് പ്രവര്‍ത്തകരുടെ വികാരം ഉൾക്കൊണ്ടാണ് ഹര്‍ത്താൽ പ്രഖ്യാപനമെന്നും ഉമ്മൻചാണ്ടി ദില്ലിയിൽ പറഞ്ഞു.