കര്‍ണാടകയില്‍ 'ഓപ്പറേഷന്‍ താമര': ആരോപണവുമായി ഡി കെ ശിവകുമാര്‍

മു​ഖ്യ​മ​ന്ത്രി കു​മാ​ര​സ്വാ​മി​ക്ക് ബി​ജെ​പി​യോ​ട് മൃ​ദുസ​മീ​പ​ന​മാ​ണ്. ഇ​പ്പോ​ൾ ന​ട​ന്നു​കൊ​ണ്ടി​രി​ക്കു​ന്ന ഗൂ​ഢാ​ലോ​ച​ന​ക​ളെ​പ്പ​റ്റി കു​മാ​ര​സ്വാ​മി​ക്ക് ന​ന്നാ​യ​റി​യാം

ബംഗളൂരു: ക​ർ​ണാ​ട​ക​യി​ൽ ബി​ജെ​പി കു​തി​ര​ക്ക​ച്ച​വ​ടം ന​ട​ത്തു​ന്ന​താ​യി കോ​ൺ​ഗ്ര​സ്. കോ​ൺ​ഗ്ര​സി​ന്‍റെ മൂ​ന്ന് എം​എ​ൽ​എ​മാ​രെ ബി​ജെ​പി തട്ടിയെടുത്ത് ഒളിവില്‍ പാ​ർ​പ്പി​ച്ചി​രി​ക്കു​ന്നു​വെ​ന്ന് മ​ന്ത്രി ഡി.​കെ. ശി​വ​കു​മാ​ർ ആ​രോ​പി​ച്ചു. ഇ​വ​ർ​ക്കൊ​പ്പം ബി​ജെ​പി നേ​താ​ക്ക​ളും ഉ​ണ്ട്. കോ​ൺ​ഗ്ര​സ്- ജെ​ഡി​എ​സ് സ​ർ​ക്കാ​രി​നെ അട്ടിമറി​ക്കാ​ൻ ബി​ജെ​പി ന​ട​ത്തു​ന്ന ശ്ര​മ​ങ്ങ​ൾ തെ​ളി​വു സ​ഹി​തം പു​റ​ത്തു​കൊ​ണ്ടു​വ​രു​മെ​ന്നും ഡി കെ ശിവകുമാര്‍ പറഞ്ഞു.

മു​ഖ്യ​മ​ന്ത്രി കു​മാ​ര​സ്വാ​മി​ക്ക് ബി​ജെ​പി​യോ​ട് മൃ​ദുസ​മീ​പ​ന​മാ​ണ്. ഇ​പ്പോ​ൾ ന​ട​ന്നു​കൊ​ണ്ടി​രി​ക്കു​ന്ന ഗൂ​ഢാ​ലോ​ച​ന​ക​ളെ​പ്പ​റ്റി കു​മാ​ര​സ്വാ​മി​ക്ക് ന​ന്നാ​യ​റി​യാം. അ​ദ്ദേ​ഹ​ത്തോ​ട് എം​എ​ൽ​എ​മാ​ർ ഇ​ക്കാ​ര്യം പ​റ​ഞ്ഞി​ട്ടു​ണ്ടെ​ന്നും ശി​വ​കു​മാ​ർ പ​റ​യു​ന്നു. താ​നാ​യി​രു​ന്നു കു​മാ​ര​സ്വാ​മി​യു​ടെ സ്ഥാ​ന​ത്തെ​ങ്കി​ൽ ഇ​തി​നെ 24 മ​ണി​ക്കൂ​റി​നു​ള്ളി​ൽ പൊ​ളി​ച്ചു കൊ​ടു​ത്തേ​നെ​യെ​ന്നും ശി​വ​കു​മാ​ർ കൂ​ട്ടി​ച്ചേ​ർ​ത്തു.

നി​യ​മ​സ​ഭാ തെ​ര​ഞ്ഞെ​ടു​പ്പ് ക​ഴി​ഞ്ഞ ഘ​ട്ട​ത്തി​ൽ ബി​ജെ​പി​യു​ടെ കു​തി​ര​ക്ക​ച്ച​വ​ട​ത്തി​ൽ നി​ന്നും ര​ക്ഷ​നേ​ടാ​ൻ കോ​ൺ​ഗ്ര​സ് എം​എ​ൽ​എ​മാ​രെ റി​സോ​ർ​ട്ടി​ലേ​ക്ക് മാ​റ്റി​യി​രു​ന്നു. പി​ന്നീ​ട് കോ​ൺ​ഗ്ര​സും ജെ​ഡി​എ​സും ചേ​ർ​ന്നാ​ണ് സ​ർ​ക്കാ​ർ രൂ​പീ​ക​രി​ച്ച​ത്. എന്നാല്‍ കോണ്‍ഗ്രസിന്‍റെ വാദം ബിജെപി കേന്ദ്രങ്ങള്‍ നിഷേധിച്ചു.