നിയമസഭയിൽ പ്രതിഷേധം: പ്രതിപക്ഷം ചോദ്യോത്തരവേള ബഹിഷ്കരിച്ചു

 ശബരിമല പ്രശ്നത്തില്‍ നിയമസഭയില്‍ പ്രതിപക്ഷ പ്രതിഷേധം. സഭയുടെ അവസാന ദിവസമായ ഇന്ന് പ്രതിപക്ഷം ചോദ്യോത്തരവേള ബഹിഷ്കരിച്ചു. 

തിരുവനന്തപുരം: ശബരിമല പ്രശ്നത്തില്‍ നിയമസഭയില്‍ പ്രതിപക്ഷ പ്രതിഷേധം. സഭയുടെ അവസാന ദിവസമായ ഇന്ന് പ്രതിപക്ഷം ചോദ്യോത്തരവേള ബഹിഷ്കരിച്ചു. ശൂന്യവേളയില്‍ തിരികെയെത്തുമെന്ന് പ്രതിപക്ഷം വിശദമാക്കി. ശബരിമലയിലെ നിരോധനാജ്ഞ പിൻവലിക്കണമെന്നാണ് പ്രതിപക്ഷത്തിന്റെ ആവശ്യം . 

പതിനാലാം കേരള നിയമസഭയുടെ പതിമൂന്നാം സമ്മേളനം ഇന്ന് അവസാനിക്കാനിരിക്കെയാണ് പ്രതിപക്ഷം ചോദ്യോത്തരവേള ബഹിഷ്കരിക്കുന്നത്. പതിമൂന്നാം സമ്മേളനത്തിൽ രണ്ടു ദിവസം മാത്രമാണ് നിയമസഭനടപടികള്‍ പൂർണമായും നടന്നത് . പ്രതിപക്ഷത്തിന്‍റെ അസാന്നിധ്യത്തിൽ ചോദ്യോത്തരവേള പുരോഗമിക്കുന്നു. ചോദ്യേത്തരവേള ബഹിഷ്ക്കരിച്ച യുഡിഎഫ് എം എൽ എ മാർ സഭാ കവാടത്തിനു മുന്നിൽ കുത്തിയിരുന്നു പ്രതിഷേധിക്കുകയാണ്.