പാരീസിലെ നഗ്ന ഭക്ഷണശാല അടച്ചുപൂട്ടി; കാരണം ഇതാണ്
Synopsis
2017 നവംബറിലാണ് ഒ നാച്ചുറല് റെസ്റ്റൊറന്റ് പാരീസില് പ്രവര്ത്തനം ആരംഭിക്കുന്നത്. മൈക്ക്, സ്റ്റീഫന് എന്ന ഇരട്ട സഹോദരങ്ങളുടെ ആശയത്തിലായിരുന്നു നഗ്ന റെസ്റ്റൊറന്റ് ആരംഭിച്ചത്
പാരീസ്: ഭക്ഷണം രുചിക്കാന് എത്തുന്നവര് നഗ്നരായി എത്തേണ്ട പാരീസിലെ ഭക്ഷണശാല അടച്ചുപൂട്ടുന്നു. വിവാദങ്ങളോ അതിക്രമങ്ങളോ കാരണം നഗ്നരായി ഈ ഭക്ഷണശാലയില് എത്തി ഭക്ഷണം കഴിക്കാന് ആളില്ലാത്തതിനാലാണ് സ്ഥാപനത്തിന് പൂട്ട് വീഴുന്നത്. ഒ നാച്ചുറല് എന്നാണ് ഭക്ഷണശാലയുടെ പേര്.
2017 നവംബറിലാണ് ഒ നാച്ചുറല് റെസ്റ്റൊറന്റ് പാരീസില് പ്രവര്ത്തനം ആരംഭിക്കുന്നത്. മൈക്ക്, സ്റ്റീഫന് എന്ന ഇരട്ട സഹോദരങ്ങളുടെ ആശയത്തിലായിരുന്നു നഗ്ന റെസ്റ്റൊറന്റ് ആരംഭിച്ചത്. എന്നാല് ഒരു വര്ഷം പിന്നിടുമ്പോള് ആരും റെസ്റ്റൊറന്റിലേക്ക് എത്താനില്ലാത്ത അവസ്ഥയാണ്. ഒ നാച്ചുറലില് എത്തിയാല് ഏത് സമയവും നഗ്നരായി ഭക്ഷണം കഴിക്കാവുന്നതാണ്.
ഇവിടെ എത്തിയാല് കൈ കഴുകാനായി വാഷ് റൂമിലേക്കല്ല ആദ്യം പോകുന്നത്, പകരം ചേയ്ഞ്ച് റൂമിലേക്കാണ്. ചെയ്ഞ്ച് റൂമില് വസ്ത്രവും, മൊബൈലും, ക്യാമറയുമെല്ലാം ലോക്കറില് വെക്കണം. പിന്നീടാണ് തീന് മേശയിലേക്ക് എത്തുന്നത്. ക്യാമറയും, മൊബൈല്ഫോണും റെസ്റ്റൊറന്റില് ഉപയോഗിക്കാന് അനുവാദമില്ല.
ഇവിടെ നിന്നും ലഭിക്കുന്ന ഒരു ചെരുപ്പ് മാത്രം ധരിച്ചാണ് ഭക്ഷണം കഴിക്കാനിരിക്കുന്നത്. എന്നാല് റെസ്റ്റൊറന്റിലെ വെയ്റ്റര്മാര് വസ്ത്രം ധരിച്ചാണ് ഭക്ഷണവുമായി വരുന്നത്.
ഇന്ത്യയിലെയും ലോകമെമ്പാടുമുള്ള എല്ലാ Viral News അറിയാൻ എപ്പോഴും ഏഷ്യാനെറ്റ് ന്യൂസ് വാർത്തകൾ. Latest Malayalam News എന്നിവയുടെ തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam