മതസ്പർദ്ധ വളർത്തുന്ന പാഠപുസ്തകം; പീസ് ഇന്റർനാഷ്ണൽ സ്കൂള് സ്ഥാപകന് എം.എം അക്ബര് പിടിയില്
Synopsis
ഹൈദരാബാദ്: മതസ്പർദ്ധ വളർത്തുന്ന പാഠപുസ്തകം പഠിച്ചിച്ചെന്ന കേസില് പീസ് ഇന്റർനാഷ്ണൽ സ്കൂളുകളുടെ സ്ഥാപകനും മുജാഹിദ് പ്രഭാഷകനുമായ എം.എം. അക്ബർ പിടിയിൽ. വിദേശത്തു നിന്ന് എത്തിയപ്പോൾ ഹൈദരാബാദ് വിമാനത്താവളത്തിൽ വച്ചാണ് ഇയാളെ പിടികൂടിയത്. കൊച്ചി പൊലീസ് നൽകിയ ലുക്കൗട്ട് നോട്ടീസിനെ തുടർന്നാണ് നടപടി. വിദേശത്തു നിന്ന് എത്തിയപ്പോൾ ഹൈദരാബാദ് വിമാനത്താവളത്തിൽ തടഞ്ഞുവയ്ക്കുകയായിരുന്നു.
ഹൈദരാബാദിലെത്തി കൊച്ചി പൊലീസ് അക്ബറിനെ കസ്റ്റഡിയിൽ എടുക്കും. തസ്പര്ദ്ധ വളര്ത്തുന്ന സിലബസ് പഠിപ്പിക്കുന്നുവെന്ന പരാതിയെ തുടര്ന്ന് എറണാകുളത്തെ പീസ് ഇന്റര്നാഷണല് സ്ക്കൂള് അടച്ചു പൂട്ടാന് മുഖ്യമന്ത്രി ഉത്തരവിട്ടിരുന്നു. ജില്ലാ കളക്ടറുടെയും വിദ്യഭ്യാസ വകുപ്പിന്റെയും അന്വേഷണ റിപ്പോര്ട്ട് പരിഗണിച്ചായിരുന്നു നടപടി. മതേതരസ്വഭാവമില്ലാത്ത സിലബസാണ് പഠിപ്പിക്കുന്നതെന്നും സര്ക്കാരിന്റെ അംഗീകാരമില്ലാതെയാണ് സ്കൂള് പ്രവര്ത്തിക്കുന്നതെന്നുമുളള ജില്ലാ വിദ്യാഭ്യാസ ഓഫീസറുടെ റിപ്പോര്ട്ടിന്റെ അടിസ്ഥാനത്തില് പൊലീസ് അക്ബറിനെതിരെ കേസെടുത്തിരുന്നു.
മതസ്പര്ദ്ധ വളര്ത്തുന്ന രീതിയിലുളള സിലബസാണ് സ്കൂളില് പഠിപ്പിക്കുന്നതെന്ന് റിപ്പോര്ട്ടില് കണ്ടെത്തിയിട്ടുണ്ട്. 2009മുതല് സര്ക്കാരിന്റെ അംഗീകാരമില്ലാതെ പ്രവര്ത്തിക്കുന്ന ഈ സിബിഎസ്ഇ സ്കൂളില് പ്രധാനമായും മതപഠനമാണ് നടക്കുന്നതെന്നും കണ്ടെത്തിയിട്ടുണ്ട്. ഇസ്ലാമിക പ്രഭാഷകനായ എം.എം അക്ബറുടെ നേതൃത്വത്തില് കോഴിക്കോട് കേന്ദ്രമായി പ്രവര്ത്തിക്കുന്ന പീസ് ഫൗണ്ടേഷന് കീഴില് പീസ് ഇന്റര്നാഷണല് എന്ന പേരില് പത്തിലധികം സ്ക്കൂളുകള് കേരളത്തിലുണ്ട്.
സ്കൂളില് നിന്ന് മതസ്പര്ദ്ധ വളര്ത്തുന്ന തരത്തില് ഉള്ള പാഠഭാഗങ്ങള് 2016 ഒക്ടോബറിലാണ് പൊലീസ് പിടിച്ചെടുത്തത്. രണ്ടാം ക്ലാസ് വിദ്യാര്ത്ഥികള്ക്കായി തയ്യാറാക്കിയ പാഠപുസ്തകത്തിലെ ആക്ടിവിറ്റി ഭാഗമാണ് വിവാദത്തിലായിരുന്നത്. ഇതേത്തുടര്ന്ന് സ്കൂള് പ്രിന്സിപ്പല്, അഡ്മിനിസ്ട്രേറ്റര്, മാനേജിങ് കമ്മിറ്റി അംഗങ്ങള് എന്നിവര്ക്കെതിരേ പോലീസ് കേസെടുത്തിരുന്നു.
വ്യത്യസ്ത മതവിഭാഗങ്ങള്ക്കിടയില് ശത്രുത വളര്ത്തുന്നുവെന്നായിരുന്നു പൊലീസിന്റെ പ്രഥമ വിവര റിപ്പോര്ട്ട്. എന്.സി.ഇ.ആര്.ടി.യോ, സി.ബി.എസ്.ഇ.യോ, എസ്.സി.ഇ.ആര്.ടി.യോ നിര്ദേശിക്കുന്ന പാഠപുസ്തകങ്ങളല്ല ഇവിടെ പഠിപ്പിക്കുന്നത്. ചെറുപ്പത്തിലേ കുട്ടികളില് മതവിദ്വേഷം കുത്തിവയ്ക്കുന്ന പാഠഭാഗങ്ങളും ചോദ്യോത്തരങ്ങളുമാണ് രണ്ടാം ക്ലാസിലെയും മറ്റും പാഠപുസ്തകങ്ങളില് ഉള്പ്പെടുത്തിയിരുന്നെതെന്നും പൊതുവിദ്യാഭ്യാസ ഡയറക്ടറും വിദ്യാഭ്യാസ സെക്രട്ടറിയും നല്കിയ റിപ്പോര്ട്ടില് പറയുന്നു.
ഇന്ത്യയിലെയും ലോകമെമ്പാടുമുള്ള എല്ലാ Malayalam News അറിയാൻ എപ്പോഴും ഏഷ്യാനെറ്റ് ന്യൂസ് മലയാളം വാർത്തകൾ. Malayalam News Live എന്നിവയുടെ തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam