പിണറായിക്ക് തീവ്രവാദി ബന്ധം; ശബരിമലയെ തകര്ക്കാന് ആശൂത്രിത ശ്രമം: എ എന് രാധാകൃഷ്ണന്
Synopsis
ശബരിമലയില് സ്ത്രീകളെ കയറ്റാന് ശ്രമിക്കുന്ന പിണറായി വിജയന് തീവ്രവാദി ബന്ധമെന്ന് ബിജെപി സംസ്ഥാന ജനറല് സെക്രട്ടറി എ എന് രാധാകൃഷ്ണന് ആരോപിച്ചു.
പാലക്കാട്: ശബരിമലയില് സ്ത്രീകളെ കയറ്റാന് ശ്രമിക്കുന്ന പിണറായി വിജയന് തീവ്രവാദി ബന്ധമെന്ന് ബിജെപി സംസ്ഥാന ജനറല് സെക്രട്ടറി എ എന് രാധാകൃഷ്ണന് ആരോപിച്ചു. കോടതി വിധിയുടെ മറവിൽ ഫെമിനിസ്റ്റ് സംഘടനകളെ മുഖ്യമന്ത്രി ശബരിമലയില് നേരിട്ടെത്തിച്ചു. മാവോയിസ്റ്റ് ബന്ധമുള്ളവരെയാണ് മുഖ്യമന്ത്രി എത്തിച്ചതെന്നും എ എന് രാധാകൃഷ്ണന് ആരോപിച്ചു.
പിണറായി വിജയന് തീവ്രവാദ ബന്ധമുണ്ട്. ശബരിമലയെ തകർക്കാൻ ആസൂത്രിത ശ്രമനടത്തുകയാണ് പിണറായി വിജയനെന്നും ഇതിനായി തീവ്രവാദികളിൽ നിന്ന് പിണറായി പണം പറ്റിയെന്നും എ എൻ രാധാകൃഷ്ണൻ ആരോപിച്ചു. മകളുടെ പേരിലുള്ള ഐടി കമ്പനിക്ക് ആരാണ് മുതൽ മുടക്കിയതെന്ന് മുഖ്യമന്ത്രി വ്യക്തമാക്കണമെന്നും ബിജെപി സംസ്ഥാന ജനറല് സെക്രട്ടറി ആവശ്യപ്പെട്ടു.
ഇതിനിടെ അമിത് ഷാ ഈ മാസം 31 ന് പാലക്കാട് പങ്കെടുക്കാന് തീരുമാനിച്ച പരിപാടി മാറ്റിയെന്ന് നേതൃത്വം അറിയിച്ചു. പുതിയ തിയതി പിന്നീടറിയിക്കുമെന്നും നേതൃത്വം പറഞ്ഞു.
കേരളത്തിലെ എല്ലാ വാർത്തകൾ Kerala News അറിയാൻ എപ്പോഴും ഏഷ്യാനെറ്റ് ന്യൂസ് വാർത്തകൾ. Malayalam News തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam