പ്രധാനമന്ത്രിയുടെ 'ഡിഗ്രി' വ്യാജമാണ്; മോദിയുടെ വാക്കുകള് കേട്ട് പഠിക്കരുതെന്ന് വിദ്യാര്ത്ഥികളോട് ആനന്ദ് ശര്മ്മ
Synopsis
മോദിയുടെ വിദ്യാഭ്യാസ യോഗ്യതയില് സംശയമുള്ള സാഹചര്യമാണുള്ളത്. അദ്ദേഹം വിദ്യാര്ത്ഥികളെ പഠിപ്പിക്കാന് ശ്രമിച്ചവയില് എന്ത് ആധികാരികതയാണുള്ളതെന്ന് ശര്മ്മ ചോദിക്കുന്നു.
ദില്ലി: പ്രധാനമന്ത്രി നരേന്ദ്രമോദിയെ പരിഹസിച്ച് മുതിര്ന്ന കോണ്ഗ്രസ് നേതാവ് ആനന്ദ് ശര്മ്മ. പ്രധാനമന്ത്രിയുടെ ഡിഗ്രി വ്യാജമാണ്, ആരും അദ്ദേഹത്തെ കേള്ക്കരുതെന്ന് ആനന്ദ് ശര്മ്മ പറഞ്ഞു. ഒരിടവേളയ്ക്ക് ശേഷം നരേന്ദ്രമോദിയുടെ വിദ്യാഭ്യാസ യോഗ്യതയെപ്പറ്റി വീണ്ടും ചര്ച്ച ഉയര്ന്നിരിക്കുകയാണ്.
കഴിഞ്ഞ ദിവസം ദില്ലിയില് നടന്ന പരീക്ഷ പര് ചര്ച്ച എന്ന പരിപാടിയില് മോദി 2000 വിദ്യാര്ത്ഥികളോട് സംവദിച്ചിരുന്നു. ഇതിന് പിന്നാലെയാണ് ശര്മ്മയുടെ പ്രതികരണം. മോദിയുടെ വിദ്യാഭ്യാസ യോഗ്യതയില് സംശയമുള്ള സാഹചര്യമാണുള്ളത്. അദ്ദേഹം വിദ്യാര്ത്ഥികളെ പഠിപ്പിക്കാന് ശ്രമിച്ചവയില് എന്ത് ആധികാരികതയാണുള്ളതെന്ന് ശര്മ്മ ചോദിക്കുന്നു.
മോദിയുടെ വിദ്യാഭ്യാസ യോഗ്യതയെപ്പറ്റിയുള്ള വിവരവാകാശത്തിന് യൂണിവേഴ്സിറ്റി മറുപടി നല്കുന്നില്ല. അതുകൊണ്ട് തന്നെ ആരും മോദിയെ കേള്ക്കരുതെന്നാണ് ശര്മ്മയുടെ വാദം.
ഇന്ത്യയിലെയും ലോകമെമ്പാടുമുള്ള എല്ലാ India News അറിയാൻ എപ്പോഴും ഏഷ്യാനെറ്റ് ന്യൂസ് വാർത്തകൾ. Malayalam News തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam