പൊലീസ് ഡ്രൈവറെ മര്‍ദ്ദിച്ച കേസില്‍ മൂന്ന് പേര്‍ അറസ്റ്റില്‍

ചെങ്ങന്നൂർ സിഐയുടെ ഡ്രൈവർ ജയേഷിനും കുടുംബത്തിനും കഴിഞ്ഞ മാസം ഇരുപത്തിയൊൻപതിന് പെണ്ണുക്കര കനാൽ ജങ്ഷനിൽ വച്ചാണ് മർദനമേറ്റത്.

ആലപ്പുഴ: ചെങ്ങന്നൂരിൽ പൊലീസ് ഡ്രൈവറെ ക്രൂരമായി മർദിച്ച കേസിൽ മൂന്നു പേർ അറസ്റ്റിൽ. ചെങ്ങന്നൂരിന് സമീപം മുളക്കുഴ സ്വദേശികളായ രാഹുൽ കൃഷ്ണൻ, സാഗർ, രാകേഷ് കൃഷ്ണൻ എന്നിവരാണ് പിടിയിലായത്. കേസിലെ ഒന്നാംപ്രതി മനീഷും പൊലീസ് വാഹനത്തിൽനിന്ന് ഇവരെ രക്ഷപെടുത്താൻ ശ്രമിച്ച കേസിൽ രാധാകൃഷ്ണൻ എന്നയാളും നേരത്തേ അറസ്റ്റിലായിരുന്നു.  

ചെങ്ങന്നൂർ സിഐയുടെ ഡ്രൈവർ ജയേഷിനും കുടുംബത്തിനും കഴിഞ്ഞ മാസം ഇരുപത്തിയൊൻപതിന് പെണ്ണുക്കര കനാൽ ജങ്ഷനിൽ വച്ചാണ് മർദനമേറ്റത്. ജയേഷും ഭാര്യയും കായംകുളത്തു നിന്ന് ചെങ്ങന്നൂരിലേക്ക് ബൈക്കിൽ വരുന്നതിനിടെ മനീഷിന്റെ ബൈക്ക് പിന്നിൽ നിന്നു വന്ന് ഇടിക്കുകയായിരുന്നു. വാക്കുതർക്കത്തിന് പിന്നാലെ മനീഷും സുഹൃത്തുക്കളും ചേർന്ന് ജയേഷിനെ ക്രൂരമായി മർദിക്കുകയായിരുന്നു. ഗുരുതരമായി പരുക്കേറ്റ ജയേഷ്  ചികിൽസയിലാണ്.