മദ്യപിച്ച് കാറോടിച്ച് വാഹനങ്ങൾ ഇടിച്ചു തെറിപ്പിച്ച പൊലീസുകാരൻ അറസ്റ്റിൽ

കൊല്ലം ഈസ്റ്റ് സ്റ്റേഷനിലെ എഎസ്ഐ പദ്മരാജനാണ് കസ്റ്റഡിയിലായത്. ഇയാൾ ഒരു സ്ത്രീയോട് അപമര്യാദയായി പെരുമാറുകയും ചെയ്തു. 

കൊല്ലം: മദ്യപിച്ച് കാറോടിച്ച് മൂന്ന് വാഹനങ്ങൾ ഇടിച്ച് തെറിപ്പിച്ച പൊലിസുകാരൻ അറസ്റ്റിൽ. കൊല്ലം ഈസ്റ്റ് സ്റ്റേഷനിലെ എഎസ്ഐ പദ്മരാജനാണ് കസ്റ്റഡിയിലായത്. ഇയാൾ ഒരു സ്ത്രീയോട് അപമര്യാദയായി പെരുമാറുകയും ചെയ്തു. ഞായറാഴ്ച്ച വൈകിട്ടാണ് സംഭവം നടന്നത്. പൊലീസ് കസ്റ്റഡിയിലെടുത്ത് കൊല്ലം ജില്ലാ ആശുപത്രിയിലെത്തിച്ച  ഇയാള്‍ വൈദ്യപരിശോധനയില്‍ മദ്യപിച്ചതായി കണ്ടെത്തിയിട്ടുണ്ട്. പദ്മരാജൻറെ കാറിനകത്ത് നിന്ന് മദ്യക്കുപ്പിയും കണ്ടെടുത്തിട്ടുണ്ട്.