ദുരഭിമാനക്കൊലയെന്ന് സംശയം; പെണ്‍കുട്ടിയുടെ ശവസംസ്കാരം പൊലീസ് തടഞ്ഞു

ഞായറാഴ്ച ശവസംസ്ക്കാരം നടക്കുന്നെന്ന രഹസ്യസൂചനയെ തുടര്‍ന്ന് പൊലീസ് എത്തുകയായിരുന്നു.  പൊലീസ് എത്തുമ്പോഴേക്കും പെണ്‍കുട്ടിയുടെ മൃതദേഹത്തിന് തീകൊളുത്തിയിരുന്നു. 90 ശതമാനത്തോളം പൊള്ളലേറ്റ പെണ്‍കുട്ടിയുടെ മൃതദേഹം ഫോറന്‍സിക് പരീക്ഷണത്തിനായി അയച്ചിട്ടുണ്ട്. 

റോത്തക്ക്: ദുരഭിമാനക്കൊലയെന്ന സംശയത്തെ തുടര്‍ന്ന് ഹരിയാനയിലെ റോത്തക്കില്‍  കൌമാരക്കാരിയുടെ ശവസംസ്ക്കാരം പൊലീസ് തടഞ്ഞു.  പതിനൊന്നാം ക്ലാസ് വിദ്യാര്‍ത്ഥിനിയായ പെണ്‍കുട്ടി ദുരൂഹ സാഹചര്യത്തില്‍ ശനിയാഴ്ച മരിച്ചെന്നാണ് പൊലീസ് പറയുന്നത്. എന്നാല്‍ പെണ്‍കുട്ടിക്ക് വയറുവേദനയുണ്ടായിരുന്നു എന്നും ആശുപത്രിയിലേക്ക് പോകുന്ന വഴി മരണപ്പെട്ടെന്നുമാണ് മാതാപിതാക്കള്‍ പറയുന്നത്. 

ഞായറാഴ്ച ശവസംസ്ക്കാരം നടക്കുന്നെന്ന രഹസ്യസൂചനയെ തുടര്‍ന്ന് പൊലീസ് എത്തുകയായിരുന്നു.  പൊലീസ് എത്തുമ്പോഴേക്കും  പെണ്‍കുട്ടിയുടെ മൃതദേഹത്തിന് തീകൊളുത്തിയിരുന്നു. 90 ശതമാനത്തോളം പൊള്ളലേറ്റ പെണ്‍കുട്ടിയുടെ മൃതദേഹം ഫോറന്‍സിക് പരീക്ഷണത്തിനായി അയച്ചിട്ടുണ്ട്.