രാഷ്ട്രപതിയുടെ പൊലീസ് മെഡലുകള്‍ പ്രഖ്യാപിച്ചു

റിപ്പബ്ലിക് ദിനത്തോട് അനുബന്ധിച്ച് രാഷ്ട്രപതിയുടെ പൊലീസ് മെഡലുകള്‍ പ്രഖ്യാപിച്ചു

ദില്ലി: രാഷ്ട്രപതിയുടെ പൊലീസ് മെഡലുകള്‍ പ്രഖ്യാപിച്ചു. ഡിഐജി കെ.ജി. സൈമണിന് വിശിഷ്ട സേവനത്തിനുള്ള പൊലീസ് മെഡലും ഡിവൈഎസ്പിമാരായ രാജു പി കെ, ജയപ്രസാദ് എന്നിവര്‍ക്ക്  സ്തുത്യര്‍ഹ സേവനംത്തിനുള്ള മെഡലും ലഭിച്ചു. അസിസ്റ്റന്‍റ് കമാന്‍റർമാരായ ജോസഫ് റസ്സൻ ഡിക്രൂസ്, ആർ ബാലൻ, എ എസ് ഐമാരായ നസറുദ്ദീൻ മുഹമ്മദ് ജമാൽ, യശോധരൻ, സാബു എന്നിവർക്ക് രാഷ്ട്രപതിയുടെ പൊലീസ് മെഡും ലഭിച്ചു. ഫയർഫോഴ്സിലെ മൂന്നു ഉദ്യോഗസ്ഥർ രാഷ്ട്രപതിയുടെ മെഡൽ നേടി. സ്റ്റേഷൻ ഓഫീസർ സോമൻ, ഗ്രേഡ് അസിസ്റ്റന്‍റ് പ്രദീപ് കുമാർ , ഗ്രേഡ് എ എസ് ടി ഒ ഷാജിമോൻ എന്നിവർക്കാണ് മെഡല്‍ ലഭിച്ചത്.