പുലിയെ പശു കുത്തിക്കൊന്നു

മുപ്പതോളം പശുക്കൾ  സംഘം ചേർന്ന് എത്തിയതോടെ പുലി ആകെ വിരണ്ടു. പിന്നീട് പശുക്കൾ പുലിയെ ചവിട്ടിമെതിക്കുകയും കൊമ്പുകൾ കൊണ്ട് കുത്തിക്കൊല്ലുകയും ചെയ്തു. 

അഹമ്മദ് നഗര്‍: മഹാരാഷ്ട്രയിലെ അഹമ്മദ് നഗറിൽ പുലിയെ പശു കുത്തികൊലപ്പെടുത്തി. പശു സംരക്ഷണകേന്ദ്രത്തിലാണ് കാട്ടിൽ നിന്നും ഇര തേടി രണ്ടു പുലികൾ എത്തിയത്. ഗോശാലയിലെ പശുക്കള്‍ പുലികളെ കണ്ട് ശരിക്കും പേടിച്ചോടി. അപ്പോഴാണ്  പുലികളിൽ ഒരു പശുകിടാവിനെ ആക്രമിച്ചത്.  എന്നാല്‍ പശുകിടാവ് പുലിയുടെ കയ്യില്‍ അകപ്പെട്ടു എന്ന് അറിഞ്ഞതോടെ പശുക്കൾ കൂട്ടമായി പുലിയുടെ നേർക്ക് തിരിഞ്ഞു. 

മുപ്പതോളം പശുക്കൾ  സംഘം ചേർന്ന് എത്തിയതോടെ പുലി ആകെ വിരണ്ടു. പിന്നീട് പശുക്കൾ പുലിയെ ചവിട്ടിമെതിക്കുകയും കൊമ്പുകൾ കൊണ്ട് കുത്തിക്കൊല്ലുകയും ചെയ്തു. 

രണ്ടാമത്തെ പുലി ഈ സമയം പിന്തിരിയുകയായിരുന്നു. പശുക്കളുടെ കരച്ചിൽ കേട്ട് ഓടിക്കൂടിയ നാട്ടുകാരാണ് ചത്തുകിടക്കുന്ന പുലിയെ കണ്ടത്. 

ഇവർ പിന്നീട് വനംവകുപ്പിനെ വിവരം അറിയിക്കുകയായിരുന്നു. ഒന്നര വയസുള്ള ആൺപുലിയാണ് ചത്തതെന്ന് ഉദ്യോഗസ്ഥർ പറയുന്നു. രക്ഷപ്പെട്ട പുലിയെ കണ്ടെത്താൻ തിരിച്ചിൽ ആരംഭിച്ചിരിക്കുകയാണ് വനം വകുപ്പ്.