ആർജെഡി നേതാക്കൾ പാർലമെൻറിൽ അസഭ്യവാക്കുകൾ പ്രയോ​ഗിച്ചു; രാം വിലാസ് പാസ്വാൻ

മുന്നാക്ക സംവരണ ബിൽ സംബന്ധിച്ച് പാർലമെന്റിൽ നടക്കുന്ന സംവാദത്തിനിടെ ഇരുവരും തനിക്കെതിരെ അസഭ്യവാക്കുകൾ പ്രയോ​ഗിക്കുകയായിരുന്നു. ബില്ലിനെ അനുകൂലിച്ച് താൻ സംസാരിച്ചതിനെ തുടർന്നായിരുന്നു ഇരുവരും ‌അസഭ്യവാക്കുകൾ പ്രയോ​ഗിച്ചതെന്നും പാസ്വാൻ പറഞ്ഞു. 

ദില്ലി: പാർലമെൻ്റിൽ‌വച്ച് ആർജെഡി നേതാക്കൾ അസഭ്യവാക്കുകൾ പ്രയോ​ഗിച്ചെന്ന് ആരോപിച്ച് ബിജെപി സഖ്യകക്ഷിയായ ലോക് ജനശക്തി പാർട്ടി ആധ്യക്ഷൻ രാം വിലാസ് പാസ്വാൻ രം​ഗത്ത്. ആർജെഡി നേതാക്കളായ മിസാ ഭാരതി, മനോജ് ജാ എന്നിവർക്കെതിരേയാണ്  പാസ്വാൻ ആരോപണം ഉന്നയിച്ചത്. 

മുന്നാക്ക സംവരണ ബിൽ സംബന്ധിച്ച് പാർലമെന്റിൽ നടക്കുന്ന സംവാദത്തിനിടെ ഇരുവരും തനിക്കെതിരെ അസഭ്യവാക്കുകൾ പ്രയോ​ഗിക്കുകയായിരുന്നു. ബില്ലിനെ അനുകൂലിച്ച് താൻ സംസാരിച്ചതിനെ തുടർന്നായിരുന്നു ഇരുവരും ‌അസഭ്യവാക്കുകൾ പ്രയോ​ഗിച്ചതെന്നും പാസ്വാൻ പറഞ്ഞു. ജനുവരി ഒമ്പതിനായിരുന്നു സംഭവം. 

സാമ്പത്തികമായി പിന്നാക്കം നിൽക്കുന്ന മുന്നാക്ക വിഭാഗത്തിലുള്ളവർക്ക് 10 ശതമാനം സംവരണം നൽകാൻ കേന്ദ്രമന്ത്രിസഭാ യോഗത്തില്‍ എടുത്ത തീരുമാനത്തിനെ ശക്തമായാണ് ആർജെഡി എതിർക്കുകയാണ്. ആർജെഡി ഒരേസമയം രണ്ട് കുതിരകളെ ഓടിക്കുകയാണ്. ഉത്തർപ്രദേശിൽ ആർജെഡി എസ്പി-ബിഎസ്പിമായും ബീഹാറിൽ കോൺ​ഗ്രസ്സുമായും സഖ്യമുണ്ടാക്കിയിരിക്കുകയാണ് ആർജെഡിയെന്നും പസ്വാൻ പറഞ്ഞു. വരുന്ന ലോക്സഭാ തെരഞ്ഞെടുപ്പിൽ ശക്തമായ സർക്കാറോ നിസ്സഹായനായ സർക്കാറാണോ വേണ്ടതെന്ന് ജനങ്ങൾ തീരുമാനിക്കട്ടെയെന്നും പസ്വാൻ കൂട്ടിച്ചേർത്തു.