സ്കൂള് കലോത്സവം മൂന്ന് ദിവസം മാത്രം
Synopsis
ആദ്യമായാണ് മൂന്ന് ദിവസങ്ങളില് സ്കൂള് കലോത്സവം നടത്തുന്നത്. രചനാ മത്സരങ്ങള് ജില്ലാ തലത്തില് മാത്രമായായിരിക്കും നടത്തുക. സ്റ്റേജിതര മത്സരങ്ങളായ കഥ, കവിത, കാര്ട്ടൂണ്, ചിത്രരചന തുടങ്ങിയവ ജില്ലാ തലത്തില് നടത്തി ഇതിലെ മികച്ചവ സംസ്ഥാന തലത്തില് പരിഗണിക്കാനാണ് തീരുമാനം.
തിരുവനന്തപുരം:ഈ വര്ഷത്തെ സംസ്ഥാനസ്കൂള് കലോത്സവം മൂന്ന് ദിവസമാക്കി ചുരുക്കി. ഡിസംബര് 7 8 9 തിയതികളില് ആലപ്പുഴയിലാണ് മത്സരം നടക്കുക. ആദ്യമായാണ് മൂന്ന് ദിവസങ്ങളില് സ്കൂള് കലോത്സവം നടത്തുന്നത്. രചനാ മത്സരങ്ങള് ജില്ലാ തലത്തില് മാത്രമായായിരിക്കും നടത്തുക. സ്റ്റേജിതര മത്സരങ്ങളായ കഥ, കവിത, കാര്ട്ടൂണ്, ചിത്രരചന തുടങ്ങിയവ ജില്ലാ തലത്തില് നടത്തി ഇതിലെ മികച്ചവ സംസ്ഥാന തലത്തില് പരിഗണിക്കാനാണ് തീരുമാനം. കായികമേളയും മൂന്ന് ദിവസം മാത്രമായി നടത്താനാണ് തീരുമാനം. ഒക്ടോബർ 26 27 28 തിയതികളിലായിരിക്കും കായികമേള.
പ്രളയത്തിന്റെ പശ്ചാത്തലത്തില് മേളകള് ഒഴിവാക്കാനായിരുന്നു സര്ക്കാരിന്റെ ആദ്യ തീരുമാനം. പിന്നീട് ഇതിനെതിരെ വ്യാപക എതിര്പ്പുയര്ന്നതോടെ തീരുമാനം മാറ്റുകയായിരുന്നു. എല്ലാ മേളകളുടെയും ഉദ്ഘാടന സമാപന സമ്മേളനങ്ങള് ഒഴിവാക്കുമെന്ന് ഇന്നലെ വിദ്യാഭ്യാസ മന്ത്രി പ്രൊഫസര് സി.രവീന്ദ്രനാഥ് പറഞ്ഞിരുന്നു.
കേരളത്തിലെ എല്ലാ വാർത്തകൾ Kerala News അറിയാൻ എപ്പോഴും ഏഷ്യാനെറ്റ് ന്യൂസ് വാർത്തകൾ. Malayalam News തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam