ശബരിമലയില് കൂടുതല് സ്ഥലങ്ങളില് നിരോധനാജ്ഞ പ്രഖ്യാപിച്ചു
Synopsis
ശബരിമലയില് കൂടുതല് സ്ഥലങ്ങളില് നിരോധനാജ്ഞ പ്രഖ്യാപിച്ചു. പ്ലാപ്പള്ളി, തുലാപ്പള്ളി, ളാഹ എന്നീ സ്ഥലങ്ങളിലേക്ക് കൂടിയാണ് നിരോധനാജ്ഞ വ്യാപിപ്പിച്ചത്. പൊലീസിന്റെ ആവശ്യത്തെ തുടര്ന്നാണ് ജില്ലാ കളക്ടര് കൂടുതല് സ്ഥലങ്ങളില് നിരോധനാജ്ഞ പ്രഖ്യാപിച്ചത്.
പത്തനംതിട്ട: ശബരിമലയില് കൂടുതല് സ്ഥലങ്ങളില് നിരോധനാജ്ഞ പ്രഖ്യാപിച്ചു. പ്ലാപ്പള്ളി, തുലാപ്പള്ളി, ളാഹ എന്നീ സ്ഥലങ്ങളിലേക്ക് കൂടിയാണ് നിരോധനാജ്ഞ വ്യാപിപ്പിച്ചത്. പൊലീസിന്റെ ആവശ്യത്തെ തുടര്ന്നാണ് ജില്ലാ കളക്ടര് കൂടുതല് സ്ഥലങ്ങളില് നിരോധനാജ്ഞ പ്രഖ്യാപിച്ചത്.
പൊലീസ് ഇക്കാര്യം ആവശ്യപ്പെട്ടത്. നിരോധനാജ്ഞ ഇന്ന് രാത്രി തീരാനിരിക്കെയാണ് തീരുമാനം. പമ്പ, സന്നിധാനം, നിലയ്ക്കൽ, ഇലവുങ്കൽ എന്നിവിടങ്ങളിലെ നിരോധനാജ്ഞ മൂന്ന് ദിവസം കൂടി നീട്ടി. ശബരിമല സ്ത്രീ പ്രവേശനത്തെ എതിര്ത്ത് ഹൈന്ദവ സംഘടനകള് പ്രതിഷേധം ശക്തമാക്കിയ സാഹചര്യത്തിലാണ് പൊലീസിന്റെ നീക്കം.
നിലയ്ക്കലും പമ്പയിലും സന്നിധാനത്തും സംഘർഷാവസ്ഥ അക്രമങ്ങളും നില നില്ക്കുകയാണ്. സന്നിധാനത്തിന്റെ 30 കിലോമീറ്റർ ചുറ്റളവിലാണ് നിരോധനാജ്ഞയുള്ളത്. തീർഥാടകർക്ക് നിരോധനാജ്ഞ ബാധകമല്ല.
കേരളത്തിലെ എല്ലാ വാർത്തകൾ Kerala News അറിയാൻ എപ്പോഴും ഏഷ്യാനെറ്റ് ന്യൂസ് വാർത്തകൾ. Malayalam News തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam