ശബരിമല; നാലിടങ്ങളിലെ നിരോധനാജ്ഞ നീട്ടണമെന്ന് പൊലീസ്

ശബരിമലയില്‍ മൂന്നിടങ്ങളില്‍ നിരോധനാജ്ഞ നീട്ടണമെന്ന് പൊലീസ് ആവശ്യപ്പെട്ടു. ജില്ലാ കളക്ടറോടാണ് പൊലീസ് ഇക്കാര്യം ആവശ്യപ്പെട്ടത്. നിരോധനാജ്ഞ ഇന്ന് രാത്രി തീരാനിരിക്കെയാണ് പുതിയ അപേക്ഷ. പമ്പ, സന്നിധാനം, നിലയ്ക്കൽ, ഇലവുങ്കൽ എന്നിവിടങ്ങളിലെ നിരോധനാജ്ഞ മൂന്ന് ദിവസം കൂടി നീട്ടണമെന്നാണ് പൊലീസ് ആവശ്യപ്പെട്ടിരിക്കുന്നത്. 

പത്തനംതിട്ട: ശബരിമലയില്‍ മൂന്നിടങ്ങളില്‍ നിരോധനാജ്ഞ നീട്ടണമെന്ന് പൊലീസ് ആവശ്യപ്പെട്ടു. ജില്ലാ കളക്ടറോടാണ് പൊലീസ് ഇക്കാര്യം ആവശ്യപ്പെട്ടത്. നിരോധനാജ്ഞ ഇന്ന് രാത്രി തീരാനിരിക്കെയാണ് പുതിയ അപേക്ഷ. പമ്പ, സന്നിധാനം, നിലയ്ക്കൽ, ഇലവുങ്കൽ എന്നിവിടങ്ങളിലെ നിരോധനാജ്ഞ മൂന്ന് ദിവസം കൂടി നീട്ടണമെന്നാണ് പൊലീസ് ആവശ്യപ്പെട്ടിരിക്കുന്നത്.

ശബരിമല സ്ത്രീ പ്രവേശനത്തെ എതിര്‍ത്ത് ഹൈന്ദവ സംഘടനകള്‍ പ്രതിഷേധം ശക്തമാക്കിയ സാഹചര്യത്തിലാണ് പൊലീസിന്‍റെ നീക്കം. നിലയ്ക്കലും പമ്പയിലും സന്നിധാനത്തും  സംഘർഷാവസ്ഥ അക്രമങ്ങളും നില നില്‍ക്കുകയാണ്. സന്നിധാനത്തിന്‍റെ 30 കിലോമീറ്റർ ചുറ്റളവിലാണ് നിരോധനാ‍ജ്ഞയുള്ളത്. തീർഥാടകർക്ക് നിരോധനാജ്ഞ ബാധകമല്ല. സംഘർഷാവസ്ഥ തുടരുന്ന സാഹചര്യമാണെങ്കിൽ നിരോധനാ‍ജ്ഞ നീട്ടുമെന്നാണ് സൂചന.

സമീപഭാവിയിലൊന്നും ശബരിമലയിൽ നിരോധനാ‍ജ്ഞ ഉണ്ടായിട്ടില്ല. അത്യപൂർവമായ അക്രമസംഭവങ്ങൾ ശബരിമലയിൽ അരങ്ങേറിയ സാഹചര്യത്തിലാണ് ജില്ലാ ഭരണകൂടത്തിന്‍റെ കടുത്ത നടപടി. തീർഥാടനം സുഗമമാക്കാൻ കർശനജാഗ്രതയിലാണ് പൊലീസ്.