സ്കൂളിൽ നിന്ന് മടങ്ങി വരുന്ന വഴി ഏഴുവയസ്സുകാരിയെ ബലാത്സം​ഗം ചെയ്തു

മിഠായി കൊടുത്താണ് പെൺകുട്ടിയെ രാജു അടുത്ത കുറ്റിക്കാട്ടിലേക്ക് വിളി്ചു കൊണ്ട് പോയത്. അവിടെ വച്ച് ഇയാൾ കുട്ടിയെ അതിക്രൂരമായി പീഡിപ്പിക്കുകയായിരുന്നു.

ഹരിയാന: സംസ്ഥാനത്തെ റിവാരി ജില്ലയിൽ ഏഴ് വയസ്സുള്ള പെൺകുട്ടിയെ ബലാത്സം​ഗം ചെയ്തു. സ്കൂളിൽ നിന്നും മടങ്ങി വരികയായിരുന്നു പെൺകുട്ടി. സംഭവത്തിൽ പ്രതിയായ മുപ്പത്തഞ്ച് വയസ്സുള്ള രാജു എന്നയാളെ പൊലീസ് അറസ്റ്റ് ചെയ്തു. റിവാരി ജില്ലയിൽ കഴിഞ്ഞ ആഴ്ചയാണ് പത്തൊൻപത് വയസ്സുള്ള പെൺകുട്ടി അതിക്രൂരമായ ബലാത്സം​ഗത്തിനിരയായത്. സംഭവത്തിൽ വളരെ ശക്തമായ പ്രതിഷേധമാണ് ഉണ്ടായത്. സെപ്റ്റംബർ 12 ന് കോച്ചിം​ഗ് ക്ലാസ്സിൽ പോകുകയായിരുന്ന പെൺകുട്ടിയെ തട്ടിക്കൊണ്ട് പോയി മാനഭം​ഗപ്പെടുത്തുകയായിരുന്നു. 

കുടിയേറ്റ കർഷകന്റെ മകളാണ് പീഡനത്തിനിരയായ പെൺകുട്ടി. മിഠായി കൊടുത്താണ് പെൺകുട്ടിയെ രാജു അടുത്ത കുറ്റിക്കാട്ടിലേക്ക് വിളി്ചു കൊണ്ട് പോയത്. അവിടെ വച്ച് ഇയാൾ കുട്ടിയെ അതിക്രൂരമായി പീഡിപ്പിക്കുകയായിരുന്നു. കുഞ്ഞിന് ​ഗുരുതരമായ രക്തസ്രാവം ഉണ്ടായതിനെ തുടർന്ന് വീട്ടിലേക്ക് തിരികെയത്തിച്ചു. ​ഗുരുതരാവസ്ഥയിലായ കുഞ്ഞിനെ മാതാപിതാക്കളാണ് ആശുപത്രിയിലെത്തിച്ചത്. പ്രതിയ്ക്കെതിരെ ബലാത്സം​ഗ​ കേസ് ചാർജ്ജ് ചെയ്തിട്ടുണ്ട്. പെൺകുഞ്ഞിന്റെ സ്വകാര്യ ഭാ​ഗങ്ങളിൽ ​ഗുരുതരമായി മുറിവേറ്റതായി ഡോക്ടേഴ്സ് വ്യക്തമാക്കി