ആധാറും മൊബൈല് നമ്പറും ബന്ധിപ്പിപ്പിക്കണമെന്ന് സുപ്രീം കോടതി; കേന്ദ്രം വ്യക്തത വരുത്തണം
Synopsis
ദില്ലി: ആധാറും മൊബൈല് നമ്പറും ബന്ധിപ്പിക്കുന്ന നടപടിക്ക് സ്റ്റേ ഇല്ലെന്ന് സുപ്രീംകോടതി. പക്ഷേ നടപടി സംബന്ധിച്ച് കേന്ദ്രസര്ക്കാര് കൂടുതല് വ്യക്തത വരുത്തണം. ഉപഭോക്താക്കളെ എല്ലാ കാര്യങ്ങളും കൃത്യമായി അറിയിക്കണം. ജനങ്ങളെ പരിഭ്രാന്തരാക്കരുതെന്നും സുപ്രീം കോടതി വ്യക്തമാക്കി. അന്തിമതീരുമാനം ഭരണഘടന ബെഞ്ച് എടുക്കും ആധാര് പദ്ധതി ഭരണഘടനാ വിരുദ്ധമെന്നാരോപിച്ചുള്ള ഹര്ജികള് പരിഗണിക്കവേയാണ് കോടതിയുടെ പരാമര്ശം.
കല്യാണി സെന് മേനോന്, മാത്യു തോമസ് തുടങ്ങിയവരുടെ ഹര്ജികളാണ് ചീഫ് ജസ്റ്റിസ് ദീപക് മിശ്ര അധ്യക്ഷനായ ബെഞ്ച് പരിഗണിച്ചത്. ബാങ്ക് അക്കൗണ്ട്, മൊബൈല് നമ്പര് തുടങ്ങിയവ ആധാറുമായി ബന്ധിപ്പിക്കുന്നതിനെ കല്യാണി സെന് മേനോന് ചോദ്യം ചെയ്തിരുന്നു.
ആധാറും മൊബൈല് ഫോണ് നമ്പറും തമ്മില് ബന്ധിപ്പിക്കുന്നതു നിര്ബന്ധമാണെന്ന് കേന്ദ്ര സര്ക്കാര് സുപ്രീം കോടതിയില് സത്യവാങ്മൂലം നല്കി.
2018 ഫെബ്രുവരി ആറുവരെ ഇതിനായി സമയം അനുവദിച്ചിട്ടുണ്ട്. പുതിയ ബാങ്ക് അക്കൗണ്ട് തുറക്കാനും ആധാര് നിര്ബന്ധമാണ്. നിലവില് അക്കൗണ്ടുള്ളവര് മാര്ച്ച് 31നകം ആധാര് ബന്ധിപ്പിക്കണം. ആധാര് ഇല്ലാത്തതിന്റെ പേരില് രാജ്യത്തെവിടെയും പട്ടിണി മരണം ഉണ്ടായിട്ടില്ലെന്നും സര്ക്കാര് സുപ്രീം കോടതിയില് നല്കിയ സത്യവാങ്മൂലത്തില് വ്യക്തമാക്കി.
ഇന്ത്യയിലെയും ലോകമെമ്പാടുമുള്ള എല്ലാ Malayalam News അറിയാൻ എപ്പോഴും ഏഷ്യാനെറ്റ് ന്യൂസ് മലയാളം വാർത്തകൾ. Malayalam News Live എന്നിവയുടെ തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam