ആധാറിനെതിരെയുള്ള ചര്‍ച്ചകള്‍ നിരീക്ഷിക്കാന്‍ സോഷ്യല്‍ മീഡിയ ഹബ്; സുപ്രീംകോടതി ഇന്ന് പരിശോധിക്കും

സുപ്രീംകോടതി നിർദ്ദേശം അനുസരിച്ച് ഇതേകുറിച്ചുള്ള വിവരങ്ങൾ കേന്ദ്ര സർക്കാർ നൽകിയിട്ടുണ്ട്.

ദില്ലി: ആധാറിനെതിരെയുള്ള ചർച്ചകൾ നിരീക്ഷിക്കാൻ സോഷ്യൽ മീഡിയ ഹബ്ബ് രൂപീകരിക്കാനുള്ള ടെണ്ടറിന്‍റെ വിവരങ്ങൾ സുപ്രീംകോടതി ഇന്ന് പരിശോധിക്കും. സുപ്രീംകോടതി നിർദ്ദേശം അനുസരിച്ച് ഇതേകുറിച്ചുള്ള വിവരങ്ങൾ കേന്ദ്ര സർക്കാർ നൽകിയിട്ടുണ്ട്.

കേന്ദ്ര സർക്കാരിന്‍റെ ഈ തീരുമാനം ആധാറിന്‍റെ ഭരണഘടന സാധുതക്കായി നടത്തിയ വാദങ്ങൾക്ക് വിരുദ്ധമാണെന്ന് കഴിഞ്ഞ തവണ കേസ് പരിഗണിക്കവെ സുപ്രീംകോടതി നിരീക്ഷിച്ചിരുന്നു. ആധാർ കേസിൽ ഭരണഘടന ബെഞ്ച് വിധിപറയാനിരിക്കെയാണ് ഈ കേസ് ചീഫ് ജസ്റ്റിസ് അദ്ധ്യക്ഷനായ ബെഞ്ച്‌ തന്നെ പരിഗണിക്കുന്നത്. തൃണമൂൽ കോൺഗ്രസ് നേതാവ് മൊഹുവ മൊയ്ത്രേയാണ് ഏകീകൃത തിരിച്ചറിയൽ നീക്കം ചോദ്യം ചെയ്ത് സുപ്രീംകോടതിയിൽ എത്തിയത് .