'മീ ടൂ': പ്രത്യേക മെയിൽ ഐഡി ഒരുക്കി ദേശീയ വനിതാ കമ്മീഷൻ

'മീ ടൂ' വെളിപ്പെടുത്തലുകൾ സ്വീകരിക്കാൻ പ്രത്യേക മെയിൽ ഐഡി ഒരുക്കി ദേശീയ വനിതാ കമ്മീഷൻ. പരാതികൾ ncw.metoo@gmail.com എന്ന മെയിൽ ഐഡിയില്‍ അയക്കാനാണ് നിര്‍ദ്ദേശം.

ദില്ലി: 'മീ ടൂ' വെളിപ്പെടുത്തലുകൾ സ്വീകരിക്കാൻ പ്രത്യേക മെയിൽ ഐഡി ഒരുക്കി ദേശീയ വനിതാ കമ്മീഷൻ. പരാതികൾ ncw.metoo@gmail.com എന്ന മെയിൽ ഐഡിയില്‍ അയക്കാനാണ് നിര്‍ദ്ദേശം. മീ ടൂ വിവാദ വെളിപ്പെടുത്തലുകള്‍ ഏറുന്ന സാഹചര്യത്തിലാണ് നടപടി. 

മീ ടൂ വെളിപ്പെടുത്തലുകളിൽ നേരത്തെ കേന്ദ്ര വനിതാ ശിശുക്ഷേമമന്ത്രാലയം അന്വേഷണം പ്രഖ്യാപിച്ചിരുന്നു. വെളിപ്പെടുത്തലുകളെ കുറിച്ചന്വേഷിക്കാൻ ജുഡീഷ്യൽ സമിതിയെ നിയോഗിക്കും. വിരമിച്ച നാല് ജഡ്ജിമാർക്കായിരിക്കും അന്വേഷണചുമതല. സമിതി നിയമവശം പരിശോധിക്കുകയും ഇക്കാര്യത്തില്‍ പൊതുജനാഭിപ്രായവും തേടുകയും ചെയ്യാനാണ് ശിശുക്ഷേമമന്ത്രാലയത്തിന്‍റെ തീരുമാനം.