ദുരിതാശ്വാസനിധിയിലേക്ക് ഭണ്ഡാരവരവ് നല്‍കി ഒരു ക്ഷേത്രം

 ക്ഷേത്രം തന്ത്രി അനില്‍ ദിവാകരന്‍ നമ്പൂതിരിയാണ് ഭണ്ഡാരം സമര്‍പ്പിച്ചത്. ചടങ്ങില്‍ പങ്കെടുക്കാന്‍ ഭക്തജനങ്ങളുമെത്തിയിരുന്നു.

കൊച്ചി: ഒരുലക്ഷത്തോളം പേരെ ബാധിച്ച മഴക്കെടുതിയെ പ്രതിരോധിക്കാനുള്ള ശ്രമങ്ങള്‍ക്കായി ലോകമെമ്പാടുമുള്ള സുമനസുകള്‍ ഒന്നിക്കുമ്പോള്‍ അവര്‍ക്ക് വഴിവിളക്കായി മാറുകയാണ് എറണാകുളം ജില്ലയിലെ കീഴില്ലം, കണിയാശ്ശേരി മഹാവിഷ്ണു ക്ഷേത്രം. പ്രളയത്തില്‍ ദുരിതമനുഭവിക്കുന്ന ജനങ്ങള്‍ക്ക് സഹായമാക്കാന്‍ ഒരു വഴിപാട് ഭണ്ഡാരം തന്നെ സ്ഥാപിച്ചിരിക്കുകയാണ് ഈ ക്ഷേത്രത്തില്‍.

ക്ഷേത്രം ട്രസ്റ്റ് മുന്‍െൈകയ്യെടുത്താണ് മുഖ്യമന്ത്രിയുടെ ദുരിതാശ്വാസനിധിയിലേക്ക് സംഭാവന നല്‍കാനായി ഈ ഭണ്ഡാരം സ്ഥാപിച്ചത്. ക്ഷേത്രം തന്ത്രി അനില്‍ ദിവാകരന്‍ നമ്പൂതിരിയാണ് ഭണ്ഡാരം സമര്‍പ്പിച്ചത്. ചടങ്ങില്‍ പങ്കെടുക്കാന്‍ ഭക്തജനങ്ങളുമെത്തിയിരുന്നു.