ഹിമപാതം:ജമ്മു കാശ്മീരിലെ കുല്‍ഗാമില്‍ ആറ് പോലീസുകാരുൾപ്പെടെ പത്ത് പേരെ മഞ്ഞിൽ കാണാതായി

കാണാതായവരിൽ ആറ് പൊലീസുകാർ, രണ്ട്  അ​ഗ്നിശമന സേനാം​ഗങ്ങൾ, രണ്ട് പ്രദേശവാസികൾ എന്നിവരാണുളളത്. പൊലീസ് പോസ്റ്റിലേക്കാണ് മഞ്ഞിടിഞ്ഞ് വീണത്. ആകെയുണ്ടായിരുന്ന ഇരുപത് പേരിൽ പത്ത് പേർ രക്ഷപ്പെട്ടു. 

ശ്രീന​ഗർ: ജമ്മു കാശ്മീരിലെ കുൽ​ഗാമിലുണ്ടായ കനത്ത മ‍ഞ്ഞ് വീഴ്ചയിൽ ആറ് പൊലീസുകാരുൾപ്പെടെ പത്ത് പേരെ കാണാതായതായി റിപ്പോർട്ട്. ശ്രീന​ഗർ-ജമ്മുകാശ്മീർ ദേശീയ പാതയിൽ ജവഹർ ടണലിന് സമീപത്തുണ്ടായ മഞ്ഞുവീഴ്ചയിലാണ് അപകടമുണ്ടായത്. കാണാതായവരിൽ ആറ് പൊലീസുകാർ, രണ്ട്  അ​ഗ്നിശമന സേനാം​ഗങ്ങൾ, രണ്ട് പ്രദേശവാസികൾ എന്നിവരാണുളളത്. പൊലീസ് പോസ്റ്റിലേക്കാണ് മഞ്ഞിടിഞ്ഞ് വീണത്. ആകെയുണ്ടായിരുന്ന ഇരുപത് പേരിൽ പത്ത് പേർ രക്ഷപ്പെട്ടു. രക്ഷാപ്രവർത്തനങ്ങൾ തുടർന്ന് കൊണ്ടിരിക്കുകയാണ്.

രക്ഷാപ്രവർത്തനവുമായി ബന്ധപ്പെട്ട ഏജൻസികൾ എല്ലാവരും രം​ഗത്തെത്തിയതായി പൊലീസ് അറിയിച്ചു. പ്രശ്നബാധിത പ്രദേശത്ത് നിന്ന് 78 കുടുംബങ്ങളെ സുരക്ഷിത സ്ഥലത്തേയ്ക്ക് മാറ്റിപ്പാർപ്പിച്ചു. ജമ്മു കാശ്മീരിലെ 22 ജില്ലകളിൽ അടുത്ത 24 മണിക്കൂറിനുള്ളിൽ കനത്ത ഹിമപാതമുണ്ടാകാൻ സാധ്യതയുണ്ടെന്ന് ഔദ്യോ​ഗിക വൃത്തങ്ങൾ അറിയിച്ചിട്ടുണ്ട്.  വിമാന​ സർവ്വീസുകൾ, റോഡ് ​ഗതാ​ഗതം എന്നിവ റദ്ദാക്കി. പ്രദേശത്ത് പലയിടത്തും വൈദ്യുതി ലഭ്യതയും ഇല്ലാതായിട്ടുണ്ട്.