ഇതിന് മുമ്പ് ഓടക്കുഴലുമായി നിൽക്കുന്ന ചിത്രം ഇൻസ്റ്റഗ്രാമിൽ പോസ്റ്റ് ചെയ്തിരുന്നു. തേജ് പ്രതാപ് യാദവിന് ചുറ്റും ഓടി നടക്കുന്ന പശുക്കളെയും വീഡിയോയിൽ കാണാം.
ബീഹാർ: ആർജെഡി നേതാവ് ലാലു പ്രസാദ് യാദവിന്റെ മകനായ തേജ് പ്രതാപ് യാദവ് ഭഗവാൻ കൃഷ്ണനായി മാറുന്ന വീഡിയോ സമൂഹമാധ്യമങ്ങളിൽ വൈറലാകുന്നു. തലയിൽ മയിൽപ്പീലി ചൂടി ഓടക്കുഴൽ വായിച്ച് പശുക്കൾക്കൊപ്പം ഭഗവാൻ കൃഷ്ണനെപ്പോലെയാണ് തേജ്പ്രതാപ് യാദവ് പെരുമാറുന്നത്. ഇൻസ്റ്റഗ്രാമിലാണ് ഈ വീഡിയോ പോസ്റ്റ് ചെയ്തിരിക്കുന്നത്.
ഭഗവാൻ കൃഷ്ണന്റെ ദിവ്യമായ ഓടക്കുഴൽ നാദം കേൾക്കുമ്പോൾ പശുക്കളെല്ലാം ഓടിയെത്തുമായിരുന്നു. ചുറ്റും നിന്ന് അവ ആ ശബ്ദത്തിന് കാതോർക്കും. മനുഷ്യന്റെ ചിന്തകളെങ്ങനെയാണ് മാറുന്നതെന്ന് തിരിച്ചറിയാനുള്ള ഏറ്റവും നല്ല ഉദാഹരണമാണ് ഭഗവാൻ കൃഷ്ണന്റെ ജീവിതം. വീഡിയോയുടെ അടിക്കുറിപ്പായി തേജ് പ്രതാപ് കുറിയ്ക്കുന്നു.
രണ്ടായിരത്തോളം പേരാണ് ഈ വീഡിയോ കണ്ടിരിക്കുന്നത്. നൂറിലധികം ആളുകൾ ഇതിന് കമന്റും ചെയ്തിട്ടുണ്ട്. ബീഹാറിലെ മുന്‍ ആരോഗ്യമന്ത്രിയായിരുന്ന തേജ്പ്രതാപ് അഭിനേതാവ് കൂടിയാണ്. ഇതിന് മുമ്പ് ഓടക്കുഴലുമായി നിൽക്കുന്ന ചിത്രം ഇൻസ്റ്റഗ്രാമിൽ പോസ്റ്റ് ചെയ്തിരുന്നു. തേജ് പ്രതാപ് യാദവിന് ചുറ്റും ഓടി നടക്കുന്ന പശുക്കളെയും വീഡിയോയിൽ കാണാം.