ചെന്നൈയില് ട്രെയിനില് നിന്ന് വീണ് മൂന്ന് പേര് മരിച്ചു
Synopsis
ചെന്നൈ: ട്രെയിനില് നിന്ന് വീണ് മൂന്നു പേര് മരിച്ചു. നാലു പേര്ക്ക് പരിക്കേറ്റു. ചെന്നൈ സെന്റ് തോമസ് മൗണ്ട് സ്റ്റേഷനിലാണ് അപകടം. വ്യാഴാഴ്ച രാവിലെ 9 നാണ് സംഭവം. അമിതമായ തിരക്ക് കാരണം ഏഴു പേരും ട്രെയിനില് വാതില്പ്പടിയില് നിന്ന് തെറിച്ചു വീഴുകയായിരുന്നു.
സംഭവത്തെ കുറിച്ച് അന്വേഷിച്ചു വരികയാണെന്ന് റെയില്വേ പൊലീസ് ഫോഴ്സ് സൂപ്രണ്ട് ഡോ. പി. വിജയകുമാര് പറഞ്ഞു. പരിക്കേറ്റവരെ പല്ലാവരത്തെ ജനറല് ആശുപത്രിയില് പ്രവേശിച്ചു.
2015-16 കാലത്ത് ചെന്നൈയില് 13 പേര് ട്രെയിനില് നിന്ന് വീണു മരിക്കുകയും 40 പേര്ക്ക് പരിക്കേല്ക്കുകയും ചെയ്തിട്ടുണ്ട്. അമിതമായ തിരക്ക് മൂലം വാതില്പ്പടിയില് തൂങ്ങി യാത്ര ചെയ്യേണ്ടി വരുന്നതാണ് അപകടത്തിന് കാരണമാകുന്നത്.
ഇന്ത്യയിലെയും ലോകമെമ്പാടുമുള്ള എല്ലാ Malayalam News അറിയാൻ എപ്പോഴും ഏഷ്യാനെറ്റ് ന്യൂസ് മലയാളം വാർത്തകൾ. Malayalam News Live എന്നിവയുടെ തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam