തിരുവനന്തപുരത്ത് ഇന്ന് ബിജെപി ഹര്ത്താല്
Synopsis
തിരുവനന്തപുരം ജില്ലയില് ഇന്ന് ബി ജെ പി ഹര്ത്താല്. രാവിലെ ആറ് മുതല് വൈകീട്ട് ആറ് വരെയാണ് ഹര്ത്താല്.
തിരുവനന്തപുരം: തിരുവനന്തപുരം ജില്ലയില് ഇന്ന് ബി ജെ പി ഹര്ത്താല്. രാവിലെ ആറ് മുതല് വൈകീട്ട് ആറ് വരെയാണ് ഹര്ത്താല്. സെക്രട്ടേറിയറ്റ് മാര്ച്ച് നടത്തിയ പ്രവര്ത്തകര്ക്കെതിരായ പൊലീസ് അതിക്രമത്തില് പ്രതിഷേധിച്ചാണ് ഹര്ത്താല്.
ശബരിമലയിലും സന്നിധാനത്തും നിലനില്ക്കുന്ന നിരോധനാജ്ഞ എടുത്തുകളയണമെന്നാവശ്യപ്പെട്ടായിരുന്നു ബി ജെ പി സംസ്ഥാന ജനറല് സെക്രട്ടറി എം എന് രാധാകൃഷ്ണന് സെക്രട്ടേറിയറ്റിനു മുന്നില് നടത്തുന്ന നിരാഹാര സമരം നടത്തിയത്. എന്നാല് സമരം തുടങ്ങി എട്ട് ദിവസം പിന്നിട്ടിട്ടും സര്ക്കാര് സമരക്കാരുടെ ആവശ്യത്തോട് പ്രതികരിച്ചില്ല. മാത്രമല്ല നിരോധനാജ്ഞ നീട്ടുകയും ചെയ്തു.
തുടര്ന്ന് രാധാകൃഷ്ണന്റെ ജീവന് സംരക്ഷിക്കണമെന്നാവശ്യപ്പെട്ടാണ് ബി ജെ പി സെക്രട്ടേറിയറ്റ് മാര്ച്ച് സംഘടിപ്പിച്ചത്. മാര്ച്ചിന് നേരെ പൊലീസ് കണ്ണീര്വാതകവും ജലപീരങ്കിയും പ്രയോഗിച്ചു. പ്രവര്ത്തകര് പൊലീസിനു നേരെ കല്ലും കസേരകളും വലിച്ചെറിഞ്ഞു. ബി ജെ പി പ്രവര്ത്തകരും പൊലീസും തമ്മിലുള്ള സംഘര്ഷത്തില് ഒരു പ്രവര്ത്തകയുടെ തലക്ക് പരിക്കേറ്റു. ഇവരെ ആശുപത്രിയില് പ്രവേശിപ്പിച്ചു.
ഹര്ത്താലിനെ തുടര്ന്ന് ഇന്ന് ജില്ലയില് നടത്താനിരുന്ന ഹൈസ്കൂള് പരീക്ഷകള് 21 -ാം തിയതിയിലേക്ക് മാറ്റി. ഇന്ന് നടക്കേണ്ടിയിരുന്ന ഹയർസെക്കൻഡറി/വൊക്കേഷണൽ ഹയർ സെക്കൻഡറി പരീക്ഷകൾ എല്ലാ ജില്ലകളിലേതും ഡിസംബർ 21 ലേക്ക് മാറ്റിവച്ചു.
കേരളത്തിലെ എല്ലാ വാർത്തകൾ Kerala News അറിയാൻ എപ്പോഴും ഏഷ്യാനെറ്റ് ന്യൂസ് വാർത്തകൾ. Malayalam News തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam