Lion : സിംഹമടയില് യുവാവിന്റെ സാഹസികത, ജീവന് തിരിച്ചുകിട്ടിയത് ഭാഗ്യം; ഞെട്ടിക്കും വീഡിയോ
Synopsis
ജി സായികുമാര് എന്ന യുവാവാണ് അധികൃതരുടെ കണ്ണുവെട്ടിച്ച് സിംഹക്കൂടിന് മുകളില് കയറി താഴേക്ക് ചാടാന് ഒരുങ്ങിയത്. സംഭവത്തിന്റെ ദൃശ്യങ്ങള് സോഷ്യല്മീഡിയയില് പ്രചരിച്ചു.
ഹൈദാരാബാദ്: ഹൈദരാബാദ് നെഹ്റു സുവോളജിക്കല് പാര്ക്ക് (Nehru zoological park) മൃഗശാലയിലെ സിംഹക്കൂട്ടില് (Lion) യുവാവിന്റെ സാഹസികത. ചൊവ്വാഴ്ച വൈകുന്നേരമാണ് എല്ലാവരെയും ഞെട്ടിച്ച സംഭവം. യുവാവിനെ പിടികൂടിയ മൃഗശാല അധികൃതര് പൊലീസില് ഏല്പ്പിച്ചു. ഇയാള്ക്കെതിരെ അധികൃതര് പൊലീസില് പരാതിയും നല്കി. ജി സായികുമാര് എന്ന യുവാവാണ് അധികൃതരുടെ കണ്ണുവെട്ടിച്ച് സിംഹക്കൂടിന് മുകളില് കയറി താഴേക്ക് ചാടാന് ഒരുങ്ങിയത്. സംഭവത്തിന്റെ ദൃശ്യങ്ങള് സോഷ്യല്മീഡിയയില് പ്രചരിച്ചു.
മൃഗശാല സന്ദര്ശിക്കാനെത്തിയ യുവാവ് സിംഹക്കൂട്ടിനടുത്തെത്തിയപ്പോള് കൂടിന്റെ മുകളിലെ പാറക്കല്ലില് കയറി താഴേക്ക് ചാടാനൊരുങ്ങി. പിന്നാലെ എത്തിയവര് ഇയാളെ പിന്തിരിപ്പിക്കാന് ശ്രമിക്കുന്നതും ദൃശ്യങ്ങളില് വ്യക്തമാണ്. സിംഹം ഇയാളുടെ നേരെ ചാടി നോക്കുന്നുണ്ട്. ഇയാള് ആഫ്രിക്കന് സിംഹത്തിന്റെ കൂട്ടിലേക്ക് ചാടാന് ശ്രമിച്ചെന്ന് നെഹ്റു സുവോളജിക്കല് പാര്ക്ക് അധികൃതര് അറിയിച്ചു. ബഹദുര്പുര പൊലീസിന് കൈമാറിയെന്നും മൃഗശാല അധികൃതര് അറിയിച്ചു.
ഇന്ത്യയിലെയും ലോകമെമ്പാടുമുള്ള എല്ലാ Viral News അറിയാൻ എപ്പോഴും ഏഷ്യാനെറ്റ് ന്യൂസ് വാർത്തകൾ. Latest Malayalam News എന്നിവയുടെ തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam