ആശാ ബോസ്ലെയുടെ ഗാനത്തിന് തെരുവില് ചുവടുവച്ച് രണ്ട് വൃദ്ധകള്, വീഡിയോ ഏറ്റെടുത്ത് ഇന്റര്നെറ്റ്
Synopsis
വിഖ്യാത ഗായിക ആശാ ബോസ്ലെയുടെ പിയ തു അബ് ആജാ എന്ന ഗാനത്തിനാണ് ഈ മുത്തശ്ശിമാര് എല്ലാം മറന്ന് അതീവ ഊര്ജ്ജത്തോടെ നൃത്തം ചെയ്യുന്നത്.
ചില പാട്ടുകേട്ടാല് വെറുതെ നില്ക്കുന്ന നൃത്തമറിയാത്തവര് പോലും ചുവടുവച്ചുപോകും. അപ്പോള് അല്പ്പം നൃത്തമറിയുന്നവര് കൂടിയായാല് പറയുകയും വേണ്ട. ട്വിറ്ററില് ഇപ്പോള് വൈറലാകുന്നത് ബോളിവുഡ് ഗാനത്തിന്റെ നൃത്തച്ചുവടുകളാണ്. ആ നൃത്തത്തിന് പിന്നില് രണ്ട് സ്ത്രീകളാണ്, വാര്ദ്ധക്യത്തിന്റെ സൗന്ദര്യം ആ ചുവടുകളില് നിറച്ച് എല്ലാം മറന്ന് തെരുവില് നൃത്തം ചെയ്യുന്ന രണ്ട് സ്ത്രീകള്.
വിഖ്യാത ഗായിക ആശാ ബോസ്ലെയുടെ പിയ തു അബ് ആജാ എന്ന ഗാനത്തിനാണ് ഈ മുത്തശ്ശിമാര് എല്ലാം മറന്ന് അതീവ ഊര്ജ്ജത്തോടെ നൃത്തം ചെയ്യുന്നത്. ആര് ഡി ബര്മ്മനാണ് ഈ ഗാനത്തിന് ഈണം നല്കിയത്. 10971 ല് പുറത്തിറങ്ങിയ കാരവാന് എന്ന ചിത്രത്തിലേതാണ് ഗാനം. ജീതേന്ദ്രയും ആശാ പരേഖുമാണ് താരങ്ങള്. ട്വിറ്റര് ഈ വീഡിയോ ഏറ്റെടുത്ത് കഴിഞ്ഞു. എന്തൊരു എനര്ജിയാണെന്നാണ് എല്ലാവരും ഒന്നടങ്കം പറയുന്നത്.
ഇന്ത്യയിലെയും ലോകമെമ്പാടുമുള്ള എല്ലാ Viral News അറിയാൻ എപ്പോഴും ഏഷ്യാനെറ്റ് ന്യൂസ് വാർത്തകൾ. Latest Malayalam News എന്നിവയുടെ തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam