ഭക്ഷണം വിളമ്പിയതിനെ ചൊല്ലിത്തർക്കം; വിവാഹ വേദിയിൽ കൂട്ടത്തല്ല്; വീഡിയോ
Synopsis
ഹോട്ടലുകാര് അറിയിച്ചതനുസരിച്ച് പൊലീസെത്തി ഏതാനും പേരെ അറസ്റ്റ് ചെയ്തതോടെയാണ് സംഘര്ഷം അവസാനിച്ചത്. നിരവധി ഹോട്ടല് ജീവനക്കാര്ക്കും അതിഥികള്ക്കും ഗുരുതരമായി പരിക്കേറ്റിട്ടുണ്ട്.
ദില്ലി: പശ്ചിമ ദില്ലിയിൽ വിവാഹ സത്ക്കാരത്തിനിടെ ഹോട്ടല് ജീവനക്കാരും അതിഥികളും തമ്മില് കൂട്ടത്തല്ല്. ജനകന്പൂരിലെ ആഡംബര ഹോട്ടലായ പിക്കാടിലിയിലാണ് സംഭവം. ഭക്ഷണം വിളമ്പിയത് വിവാഹ സല്ക്കാരത്തിനെത്തിയ ചില അതിഥികള്ക്ക് ഇഷ്ടപ്പെട്ടില്ല. ഇതുസംബന്ധിച്ച് തര്ക്കം രൂക്ഷമായ കൂട്ടത്തല്ലിലാണ് അവസാനിച്ചത്.
ഹോട്ടലിലെ കൂട്ടത്തല്ലിന്റെ വീഡിയോ ഇപ്പോള് സാമൂഹ്യമാധ്യമങ്ങളില് വൈറലായിരിക്കുകയാണ്. തല്ലില് ഹോട്ടല് ജീവനക്കാര്ക്കാണ് കൂടുതല് മര്ദ്ദനം ഏറ്റത്. കൂട്ടത്തല്ലിനിടയില് ഹോട്ടലിലെ വിലപിടിപ്പുള്ള നിരവധി സാധന സാമഗ്രഹികളും ഉപകരണങ്ങളും പൂർണ്ണമായും താറുമാറായി. തകര്ന്ന പ്ലേറ്റുകളുടെ കൂമ്പാരം തന്നെയുണ്ട് വീഡിയോയില്.
ഹോട്ടലുകാര് അറിയിച്ചതനുസരിച്ച് പൊലീസെത്തി ഏതാനും പേരെ അറസ്റ്റ് ചെയ്തതോടെയാണ് സംഘര്ഷം അവസാനിച്ചത്. നിരവധി ഹോട്ടല് ജീവനക്കാര്ക്കും അതിഥികള്ക്കും ഗുരുതരമായി പരിക്കേറ്റിട്ടുണ്ട്.
ഇന്ത്യയിലെയും ലോകമെമ്പാടുമുള്ള എല്ലാ Crime News അറിയാൻ എപ്പോഴും ഏഷ്യാനെറ്റ് ന്യൂസ് വാർത്തകൾ. Malayalam News തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam