കാലവര്ഷം ഇത്തവണയും ചതിക്കുമോ? കാലാവസ്ഥാ നിരീക്ഷണകേന്ദ്രം പറയുന്നത്
Synopsis
കൊച്ചി: സംസ്ഥാനത്ത് ഇത്തവണ മികച്ച കാലവര്ഷം ലഭിക്കുമെന്ന് ഉറപ്പിക്കാനാവില്ലെന്ന് കാലാവസ്ഥ ശാസ്ത്രജ്ഞര്. കാലവര്ഷത്തിന്റെ വരവും എന്നിനോ പ്രതിഭാസവും വിലയിരുത്തി മാത്രമേ മഴയുടെ അളവ് നിര്ണയിക്കാനാകൂവെന്ന നിലപാടിലാണ് വിദഗ്ധര്. ഇന്ത്യയില് ഇത്തവണ മികച്ച കാലവര്ഷം ലഭിക്കുമെന്ന് കേന്ദ്രകാലാവസ്ഥ വിഭാഗം അറിയിച്ചിരുന്നു.
രാജ്യത്ത് 96 ശതമാനം മഴ ലഭിക്കുമെന്നാണ് വിലയിരുത്തല്. എന്നാല് കേരളത്തിലും ഇതേ അളവില് മഴ ലഭിക്കുമോ എന്നാണ് ആശങ്ക. കഴിഞ്ഞ വര്ഷം രാജ്യത്തെ മറ്റിടങ്ങളില് സാധാരണ പോലെ കാലവര്ഷം പെയ്തിറങ്ങിയപ്പോള് കേരളത്തില് വരള്ച്ചയായിരുന്നു.
എല്നിനോ പ്രതിഭാസവും മഴയുടെ അളവിനെ സ്വാധീനിക്കുന്നുണ്ട്. ജൂലൈ അവസാനത്തോടെ എന്നിനോ ശക്തമായാല് ദേശീയ തലത്തില് തന്നെ കാലവര്ഷം ദുര്ബലമാകും. നിലവിലെ പഠനങ്ങള് അനുസരിച്ച് മെയ് അവസാനത്തോടെ വരള്ച്ചയ്ക്ക് അറുതി കുറിച്ച് സംസ്ഥാനത്ത് കാലവര്ഷമെത്തും. രാജ്യത്ത് ലഭിക്കുന്ന മഴയുടെ 70 ശതമാനവും സംഭാവന ചെയ്യുന്നത് കാലവര്ഷമാണ്.
ഇന്ത്യയിലെയും ലോകമെമ്പാടുമുള്ള എല്ലാ Malayalam News അറിയാൻ എപ്പോഴും ഏഷ്യാനെറ്റ് ന്യൂസ് മലയാളം വാർത്തകൾ. Malayalam News Live എന്നിവയുടെ തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam