ശബരിമല ദർശനത്തിനായി 43കാരി എത്തി
Synopsis
ശബരിമല ദർശനത്തിനായി ആന്ധ്രയിൽ നിന്ന് 43കാരി കോട്ടയത്ത് എത്തി. ഏത് പ്രായത്തിലുമുള്ള സ്ത്രീകള്ക്കും ശബരിമലയില് ദര്ശനം നടത്താമെന്ന സുപ്രീംകോടതി വിധിയുടെ അടിസ്ഥാനത്തിലാണ് യുവതി ദര്ശനത്തിനെത്തിയത്
കോട്ടയം: ശബരിമല ദർശനത്തിന് ആന്ധ്രയിൽ നിന്ന് 43 കാരി കോട്ടയത്ത് എത്തി. ഇവര് പൊലീസ് അകമ്പടിയോടെ നിലയ്ക്കലിലേക്ക് തിരിച്ചു. ഇരുമുടിക്കെട്ടുമായാണ് യുവതി വന്നത്. ഏത് പ്രായത്തിലുമുള്ള സ്ത്രീകള്ക്കും ശബരിമലയില് ദര്ശനം നടത്താമെന്ന സുപ്രീംകോടതി വിധിയുടെ അടിസ്ഥാനത്തിലാണ് യുവതി ദര്ശനത്തിനെത്തിയത്.
സ്ത്രീയുടെ ശാരീരിക പ്രത്യേകതകള് വിശ്വാസത്തിനെതിരല്ലെന്നായിരുന്നു കോടതി നിരീക്ഷണം. സുപ്രീംകോടതി വിധിയുടെ അടിസ്ഥാനത്തില് ശബരിമല ദര്ശനത്തിന് നേരത്തെ എത്തിയിരുന്ന യുവതികളെ ബിജെപിയുടെ പിന്തുണയോടെ ശബരിമല കര്മ്മ സമിതിയുടെ നേതൃത്വത്തില് തടഞ്ഞത് ശബരിമലയില് സംഘര്ഷത്തിനിടയാക്കിയിരുന്നു. ഇതേ തുടര്ന്ന് പത്തനംതിട്ട കലക്ടര് പ്രഖ്യാപിച്ച നിരോധനാജ്ഞ നാളെയാണ് അവസാനിക്കുക.
കേരളത്തിലെ എല്ലാ വാർത്തകൾ Kerala News അറിയാൻ എപ്പോഴും ഏഷ്യാനെറ്റ് ന്യൂസ് വാർത്തകൾ. Malayalam News തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam