അയ്യപ്പഭക്തര്‍ സഞ്ചരിച്ച മിനി ബസും ബൈക്കും കൂട്ടിയിടിച്ച് യുവാവ് മരിച്ചു

ഇളങ്ങുളം കൂരാലി നെടുംകാട്ടിൽ സണ്ണി സെല്ലി ദമ്പതികളുടെ മകൻ എബിൻ (20) ആണ് മരിച്ചത്. ഉച്ചക്ക് ഒന്നരയോടെയായിരുന്നു അപകടം.

കോട്ടയം: കോട്ടയം പൊൻകുന്നത്തിന് സമീപം അട്ടിക്കലിൽ ബൈക്കും അയ്യപ്പഭക്തർ സഞ്ചരിച്ച മിനി ബസും തമ്മില്‍ കൂട്ടിയിടിച്ച് യുവാവ് മരിച്ചു. പൊൻകുന്നം പാലാ റോഡിൽ ഒന്നാം മൈലിന് സമീപമാണ് ബൈക്കും തമിഴ്നാട് സ്വദേശികളായ അയ്യപ്പ ഭക്തർ സഞ്ചരിച്ച മിനി ബസും തമ്മിൽ കൂട്ടിയിടിച്ചത്. 

ഇളങ്ങുളം കൂരാലി നെടുംകാട്ടിൽ സണ്ണി സെല്ലി ദമ്പതികളുടെ മകൻ എബിൻ (20) ആണ് മരിച്ചത്. ഉച്ചക്ക് ഒന്നരയോടെയായിരുന്നു അപകടം. എബിനെ ഉടൻ തന്നെ  കാഞ്ഞിപ്പള്ളി ജനറൽ ആശുപത്രിയിൽ എത്തിച്ചെങ്കിലും മരിച്ചിരുന്നു.